Պետդեպարտամենտը Բայրամովի և Միրզոյանի բանակցություններն անվանել է «կառուցողական»
![]() Ադրբեջանի և Հայաստանի արտգործնախարարների բանակցությունները «կառուցողական» են եղել։ Նրանց հետ այսօր առանձին հանդիպումներ կունենա ԱՄՆ պետքարտուղար Էնթոնի Բլինքենը։ Այս մասին ճեպազրույցի ժամանակ հայտարարել է ԱՄՆ Պետդեպարտամենտի պաշտոնական ներկայացուցիչ Մեթյու Միլլերը։ «Մենք կարծում ենք, որ բանակցությունները կառուցողական էին։ Պետքարտուղարը կրկին առանձին հանդիպումներ կունենա Հայաստանի և Ադրբեջանի արտգործնախարարների հետ, իսկ հետո բանակցությունները կշարունակվեն եռակողմ ձևաչափով»,- ասել է Միլլերը։ Հունիսի 27-ին Վաշինգթոնում մեկնարկել է այսպես կոչված խաղաղ համաձայնագրի նախագծի շուրջ Ադրբեջանի և Հայաստանի արտգործնախարարների բանակցությունների հերթական փուլը։ Առաջին օրը Էնթոնի Բլինքենն արտաքին գործերի ազգային ուսումնական կենտրոնում երկկողմանի դռնփակ հանդիպումներ է ունեցել Ադրբեջանի և Հայաստանի արտգործնախարարների հետ։ Հանդիպումներից հետո Բլինքենը մասնակցել է երկու երկրների արտգործնախարարների հետ առաջին լիագումար հանդիպմանը։ Այնուհետև նախարարները շարունակել են երկկողմ ձևաչափով բանակցությունները, որոնք շարունակվել են ընդհատումներով 4-5 ժամ։ Երկրորդ օրը տեղի է ունեցել եռակողմ հանդիպում՝ ԱՄՆ նախագահի ազգային անվտանգության հարցերով խորհրդական Ջեյք Սալիվանի մասնակցությամբ։ Դրան հաջորդել է երկու երկրների արտգործնախարարների երկկողմ հանդիպումը։ |

Սամվել Մկրտչյանը նշանակվել է ՌԴ-ում ՀՀ արտակարգ և լիազոր դեսպան
158Երեկ, 16:48
«Բացահայտվել են աննախադեպ քանակի ծխախոտային արտադրանքի անօրինական տեղափոխման դեպքեր»․ ՊԵԿ (տեսանյութ)
142Երեկ, 15:30
ՊԵԿ-ը հայտարարություն է տարածել
17117.11.2026, 12:00
«Թափառող շների՝ մարդկանց, այդ թվում՝ երեխաների վրա պարբերաբար հարձակումների խնդիրն ավելի է սրվել»․ ՄԻՊ
14917.11.2026, 10:24
Արարատ Միրզոյանը ԵՄ-ում ներկայացրել է «ԹՐԻՓՓ»-ի իրականացման ուղղությամբ Հայաստանի քայլերը
19616.11.2026, 19:24
Արգամ Աբրահամյանի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին
19316.11.2026, 16:54
