Էրդողանը և Ալիևը հեռախոսազրույց են ունեցել

Ադրբեջանի նախագահ Իլհամ Ալիևի և Թուրքիայի նախագահ Ռեջեփ Թայիփ Էրդողանի միջև հեռախոսազրույց է տեղի ունեցել։ Նրանք շնորհավորել են միմյանց և ժողովուրդներին՝ Գուրբան Բայրամ տոնի առթիվ։ Այս մասին հայտնում են ադրբեջանական լրատվամիջոցները:

Հեռախոսազրույցի ընթացքում վստահություն է հայտնվել, որ երկու երկրների միջև բարեկամական և եղբայրական հարաբերությունները կշարունակեն հաջողությամբ զարգանալ բոլոր ոլորտներում։ Տեղի է ունեցել մտքերի փոխանակում դաշնակցային կապերի հետագա զարգացման շուրջ։

Հիշեցնենք, որ այսօր հեռախոսազրույց են ունեցել նաև Փաշինյանն ու Էրդողանը: