Ադրբեջանի ԱԳՆ-ն արձագանքել է Հայաստանում ԵՄ առաքելության ղեկավարի հայտարարությանը

Ադրբեջանի արտաքին գործերի նախարարության խոսնակ Այխան Հաջիզադեն մեկնաբանել է Հայաստանում ԵՄ առաքելության ղեկավար Մարկուս Ռիտերի հայտարարությունները, հայտնում է ԱՊԱ-ն։
«Մենք խստորեն դատապարտում ենք ԵՄ-ի հիմնական խնդիրը՝ «Հայաստանը Ադրբեջանից պաշտպանելը» ներկայացնելը, ինչպես նաև ԵՄ առաքելության ղեկավարի հայտարարությունը Ադրբեջանի՝ իբր նախապատրաստվելու ինչ-որ հարձակման, որը հիմնված է հայկական կողմի կեղծ և զրպարտչական հայտարարությունների վրա:

Մենք բազմիցս ընդգծել ենք այդ առաքելության չարաշահման հնարավորությունը կանխելու անհրաժեշտությունը։

ԵՄ-ն պետք է ապահովի, որ այս առաքելության գործունեությունն իրականացվի փոխվստահության ձևով, Հայաստանում ԵՄ առաքելությունը պատշաճ կերպով տեղակայվի՝ հաշվի առնելով Ադրբեջանի օրինական շահերը։

Պետք է թույլ չտալ, որ հայկական կողմը չարաշահի ԵՄ առաքելության ներկայությունը լարվածությունը սրելու և ստանձնած պարտավորություններից խուսափելու համար։

ԵՄ առաքելությունը չպետք է թույլ տա կեղծ և զրպարտչական պնդումներ և գործունեություն ծավալի մանդատի համաձայն»,-նշված է հաղորդագրության մեջ: