Արագած լեռան լանջին լեռնադահուկային և էկոգյուղատնտեսական համալիր կկառուցվի

Կառավարությունն այսօր հաստատել է «Արագած» ներդրումային ծրագիրը, որը նախատեսում է Արագած լեռան լանջին լեռնադահուկային և էկոգյուղատնտեսական համալիրի ստեղծում: «Նախագծով 4400 հա տարածքի վրա ստեղծվելու է, կարելի է ասել, նոր գյուղ՝ 300 մինի ֆերմաներով, նրանց կից հյուրատներ: Այնտեղ կկառուցվի նաև 3 մլն խմ տարողությամբ ջրամբար, որ գյուղատնտեսական համալիրն ունենա ջրի հասանելիություն: Կառուցվելու է նաև լեռնադահուկային համալիր՝ 5 ճոպանուղիների գծերով, մոտ 30 կմ սահուղիներով, հյուրանոցներով և այլն: Կառուցվելու է 25 հազար 260 քմ ճանապարհ և 104 հազար 920 քմ բակային ճանապարհ, ավտոկայանատեղիներ: Ընդհանուր ներդրումային ծավալը կազմելու է 190 մլն դոլար»,- ասել է ՀՀ էկոնոմիկայի նախարար Վահան Քերոբյանը: