«Փարիզի քաղաքային խորհուրդն ընդունեց բանաձև՝ ի պաշտպանություն հայ ժողովրդի». Հրաչյա Սարգսյան

Երևանի քաղաքապետ Հրաչյա Սարգսյանը գրում է. «Այսօր Փարիզի քաղաքային խորհուրդը միաձայն ընդունեց բանաձև՝ ի պաշտպանություն հայ ժողովրդի։ Բանաձևով Փարիզը դատապարտում է Հայաստանի ինքնիշխան տարածքի նկատմամբ Ադրբեջանի ագրեսիան՝ որակելով ադրբեջանական զինված ուժերի գործողությունները որպես միջազգային իրավունքի և մարդու իրավունքների կոպտագույն խախտումներ։ Փարիզի քաղաքային խորհուրդը կոչ է անում Ֆրանսիայի կառավարությանը կիրառել պատժամիջոցներ Ադրբեջանի ղեկավարների նկատմամբ։
Շնորհակալ ենք մեր գործընկերներին մեր ազգի համար պատմականորեն բարդ այս ժամանակահատվածում մշտապես մեզ սատարելու համար»: