Պուտինը պատրաստվում է հանդիպել Ալիևի հետ և առաջարկել ևս մեկ եռակողմ գագաթնաժողով
![]() Ռուսաստանի նախագահ Վլադիմիր Պուտինը հինգշաբթի Աստանայում հանդիպում կունենա Ադրբեջանի նախագահ Իլհամ Ալիևի հետ, Մոսկվան մտադիր է առաջարկել Բաքվի և Երևանի մասնակցությամբ ևս մեկ եռակողմ գագաթնաժողով անցկացնել։ Հանդիպումը տեղի կունենա Ասիայում փոխգործակցության և վստահության ամրապնդման միջոցառումների գագաթնաժողովի շրջանակում: «Կարող եմ ասել, որ մենք կառաջարկենք հաջորդ գագաթնաժողովն անցկացնել եռակողմ ձևաչափով՝ Ռուսաստանի, Ադրբեջանի և Հայաստանի (վարչապետի) նախագահների մասնակցությամբ, հուսով ենք, որ շատ մոտ ապագայում հնարավոր կլինի պայմանավորվել այս գագաթնաժողովի ժամկետների վերաբերյալ, և այն տեղի կունենա, այն շատ օգտակար և արդյունավետ կլինի»,- Մոսկվայում լրագրողներին ասել է նախագահի օգնական Յուրի Ուշակովը։ Նա հիշեցրել է, որ Մոսկվան ակտիվորեն և ամեն կերպ նպաստում է Երևանի և Բաքվի միջև հարաբերությունների կարգավորմանը։ «Մենք կարծում ենք, որ տարածաշրջանում կայուն խաղաղության հասնելու և բոլոր խնդիրների լուծման բանալին եռակողմ պայմանավորվածությունների իրականացումն է, որոնք ձեռք են բերվել Ռուսաստանի ակտիվ ջանքերով, մեր նախագահի անձնական միջնորդությամբ»,- ասել է Ուշակովը։ Ղեկավարների եռակողմ պայմանավորվածությունները, հավելել է նա, հիմք են հանդիսանում այն բանի համար, որ Հայաստանի և Ադրբեջանի հարաբերությունները կայունացել են, և այժմ ընթանում է դրանց կարգավորման գործընթացը։ «Իհարկե, մենք տեսնում ենք, որ ոչ տարածաշրջանային խաղացողները փորձում են մտնել այդ գործի մեջ, մասնավորապես՝ Եվրոմիությունն ու ԱՄՆ-ն, բայց նրանք հիմնականում օգտագործում են մեր ձեռքբերումները և, իհարկե, ևս մեկ անգամ կրկնում եմ, հիմնարար պայմանավորվածությունները եղել են. դրանց հասել ենք 2020 և 2021 թվականներին մեր ամենաակտիվ մասնակցությամբ»,- ասել է Կրեմլի խոսնակը։ Իլհամ Ալիևը, հիշեցրել է Ուշակովը, հոկտեմբերի 7-ին Սանկտ Պետերբուրգում մասնակցել է ԱՊՀ ոչ պաշտոնական գագաթնաժողովին։ «Առաջնորդներն արդեն երկկողմանի շփվել են, սակայն պայմանավորվել են ավելի մանրամասն հանդիպում անցկացնել Աստանայում»,- ասել է նա։ Ռուսաստանի և Ադրբեջանի հարաբերությունները զարգանում են ակտիվորեն, կառուցողական կերպով, նշել է Ուշակովը, փետրվարին ստորագրված դաշնակցային համագործակցության մասին հռչակագիրը դրանք նոր մակարդակի է հասցնում։ «Մենք կարևորում ենք Ադրբեջանի հետ հարաբերությունները և, իհարկե, պատրաստ կլինենք քննարկել ոչ միայն երկկողմ գործերը, այլև կարծիքներ փոխանակել ադրբեջանա-հայկական հարաբերություններում տիրող իրավիճակի շուրջ»,- ասել է Կրեմլի խոսնակը։ |

Սամվել Մկրտչյանը նշանակվել է ՌԴ-ում ՀՀ արտակարգ և լիազոր դեսպան
158Երեկ, 16:48
«Բացահայտվել են աննախադեպ քանակի ծխախոտային արտադրանքի անօրինական տեղափոխման դեպքեր»․ ՊԵԿ (տեսանյութ)
142Երեկ, 15:30
ՊԵԿ-ը հայտարարություն է տարածել
17117.11.2026, 12:00
«Թափառող շների՝ մարդկանց, այդ թվում՝ երեխաների վրա պարբերաբար հարձակումների խնդիրն ավելի է սրվել»․ ՄԻՊ
14917.11.2026, 10:24
Արարատ Միրզոյանը ԵՄ-ում ներկայացրել է «ԹՐԻՓՓ»-ի իրականացման ուղղությամբ Հայաստանի քայլերը
19616.11.2026, 19:24
Արգամ Աբրահամյանի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին
19316.11.2026, 16:54
