Երևան`   +2 °C
Այսօր`   Չորեքշաբթի, 30 նոյեմբերի, 2022 թ.

Օգոստոսի 17-ից փակ կլինի Իսակովի պողոտայից Բաբաջանյան փողոց տանող ճանապարհը

2318
Երկուշաբթի, 15 օգոստոսի, 2022 թ., 18:06
Օգոստոսի 17-ից փակ կլինի Իսակովի պողոտայից Բաբաջանյան փողոց տանող ճանապարհը

Օգոստոսի 17-ից ժամանակավորապես փակ կլինի Իսակովի պողոտայից Բաբաջանյան փողոց տանող ճանապարհը
Հարգելի քաղաքացիներ,
Իսակովի պողոտայից դեպի Ա. Բաբաջանյան փողոց կառուցվող ճանապարհահատվածում նախատեսվում է փոխարինել դեռևս խորհրդային տարիներից շահագործվող կոմունիկացիոն ենթակառուցվածքներ, ինչն ինքնին ժամանակատար ու տեխնիկապես բարդ գործընթաց է: Այդ, ինչպես նաև ճանապարհաշինական մյուս աշխատանքներով պայմանավորված, ս.թ. օգոստոսի 17-ից Իսակովի պողոտա - Ա. Բաբաջանյան փողոց հատվածը ժամանակավորապես կփակվի: Չնայած բարդություններին, արվելու է հնարավորը՝ աշխատանքները առավելագույն սեղմ ժամկետում իրականացնելու համար և խնդրում ենք հարցին ըմբռնումով մոտենալ:
Ճանապարհի վերաբացման վերաբերյալ կտրվի լրացուցիչ տեղեկատվություն: Մինչ այդ, որպես այլընտրանքային ճանապարհ, առաջարկվում է օգտվել Իսակով-Մ5 ճանապարհի խաչմերուկի հետադարձից, որից հետո աջ շրջադարձով թեքվել դեպի Ա. Բաբաջանյան փողոց:
Պատճառվող ժամանակավոր անհարմարության համար հայցում ենք ձեր ներողամտությունը: