McDonald's նոր ապրանքանիշի ներքո մեկ օրում Մոսկվայում կբացվի 15 վաճառակետ

Մոսկվայում հունիսի 12-ին McDonald's նոր ապրանքանիշի ներքո կսկսի գործել ոչ միայն Պուշկինսկայա մետրոյի կայարանի հայտնի կետը, այլև կբացվեն ևս 14-ը, հինգշաբթի լրագրողների հետ զրույցում ասել է ընկերությանը մոտ կանգնած աղբյուրը։

Ըստ ինսայդերի՝ ռեստորանները կրկին աշխատում են մեծ թվով մատակարարների հետ: Ինչպես նախկինում, արտադրանքը մոտավորապես 98% ռուսական է:

Աղբյուրն ընդգծել է, որ հունիսի 12-ին Մոսկվայում բացման համար նախապատրաստվում է ընդհանուր առմամբ 15 կետ։ Նրանց թվում է «Պուշկինսկայայի» ռեստորանը։ Նաև ընկերությանը մոտ կանգնած աղբյուրը մենյուի հետ կապված որոշ մանրամասներ է բացահայտել։

«Մենյուում Mac-ով սկսվող անուններով ուտեստներ չեն լինի, բայց այլընտրանքային անուններով կլինեն ծանոթ ուտեստներ՝ Chicken Premier, Nuggets և Grand Burger, ֆրանսիական կարտոֆիլ, Cheeseburger և Caesar Roll. կփոխեն միայն փաթեթավորումը՝ առանց ֆիրմային դեղին «M» տառի»,- մեջբերում է ՏԱՍՍ-ը։

Ինչպես ավելի վաղ հայտնի էր դարձել, հունիսի 2-ին McDonald's-ի նախկին ստորաբաժանումը նոր հայտ է ներկայացրել Ռոսպատենտ՝ անվանման հաջորդ տարբերակի գրանցման համար։ Արագ սննդի ցանցը կարող է շարունակել գործել Ռուսաստանում՝ Our Place անվամբ։

McDonald's-ը դարձել է հսկայական թվով միջազգային ապրանքանիշերից մեկը, որը լքել է ռուսական շուկան Ուկրաինայում Մոսկվայի վարած պատերազմի պատճառով: Յեյլի համալսարանի տվյալներով՝ գրեթե հազար ընկերություն լքել է Ռուսաստանի Դաշնությունը։