Երևան`   +16 °C
Այսօր`   Կիրակի, 26 հունիսի, 2022 թ.

Հունգարիան բացատրել է՝ ինչու պատրաստ չէ հրաժարվել ռուսական գազից և նավթից

682
Հինգշաբթի, 28 ապրիլի, 2022 թ., 21:06
Հունգարիան բացատրել է՝ ինչու պատրաստ չէ հրաժարվել ռուսական գազից և նավթից

Հունգարիան պատրաստ չէ հրաժարվել ռուսական գազից և նավթից, քանի որ չի կարող այլընտրանք գտնել, ամերիկյան CNN հեռուստաալիքի եթերում ասել է Հունգարիայի արտաքին գործերի նախարար Պետեր Սիյարտոն։

Հունգարիայի նախարարի խոսքով, գազի 85%-ը և նավթի 65%-ը Հունգարիա է գալիս Ռուսաստանից։

«Պատճառն այն չէ, որ մենք չենք ուզում, մենք չենք ընտրել այս իրավիճակը: Չկան գազի այլընտրանքային աղբյուրներ, մատակարարման այլընտրանքային ուղիներ, որոնք մեզ թույլ կտան հրաժարվելու ռուսական նավթից և գազից առաջիկա տարիներին»,- ասել է Սիյարտոն:

Սիյարտոն հիշեցրել է ExxonMobile-ի պլանները՝ հետագայում ավելացնելու գազի արդյունահանումը Սև ծովի ռումինական հատվածում, սակայն առայժմ նշել է, որ այս փուլում Հունգարիան չունի էներգակիրների այլ աղբյուրներ, բացի ռուսականից։

Ավելի վաղ հայտնի էր դարձել, որ Հունգարիան պատրաստ է ռուսական գազի դիմաց վճարել ռուբլիով: