ՌԴ ԱԳՆ-ն պատժամիջոցներ է սահմանել Մեծ Բրիտանիայի նկատմամբ

Ռուսաստանը անձնական պատժամիջոցներ է սահմանել Մեծ Բրիտանիայի խորհրդարանի Համայնքների պալատի 287 պատգամավորների նկատմամբ՝ ի պատասխան Պետդումայի 386 պատգամավորների նկատմամբ պատժամիջոցների։ Բրիտանացի պաշտոնյաներին այժմ արգելված է մուտք գործել Ռուսաստան։
«Թշնամական հռետորաբանությունը և բրիտանացի խորհրդարանականների շուրթերից հնչող անհասկանալի մեղադրանքները ոչ միայն արդարացնում են Լոնդոնի թշնամական կուրսը, որն ուղղված է մեր երկրին և նրա միջազգային մեկուսացմանը, այլև օգտագործվում են Ռուսաստանի հետ փոխադարձ հարգալից երկխոսության հակառակորդների կողմից՝ խարխլելու համար երկկողմ համագործակցության հիմքը», - ասված է Ռուսաստանի ԱԳՆ հայտարարության մեջ։