ՌԴ ԱԳՆ-ն հայտնել է՝ որքան դիվանագետ է արտաքսվել

Մոտ 400 ռուս դիվանագետ արտաքսվել է 28 արևմտյան երկրներից Ուկրաինայի տարածքում ռազմական գործողությունների սկսվելուց հետո։ Այս մասին հայտարարել է ՌԴ փոխարտգործնախարար Եվգենի Իվանովը։

«Պատժամիջոցների սահմանմանը զուգընթաց դիվանագետների արտաքսումը դարձել է Մոսկվային պատժելու սիրված մեթոդ։ Այն սկսվել է ոչ թե փետրվարի 23-ին, այլ շատ ավելի վաղ։ Սակայն Ուկրաինայում ռազմական գործողությունների սկզբից ի վեր արտասահմանյան գերատեսչությունների մոտ 400 աշխատակից արտաքսվել է արևմտյան 28 երկրներից»,- Իվանովի խոսքերն է մեջբերում РИА-ն։