«Կարևոր փաստ՝ 1000 խոշոր հարկ վճարողների մասով». Արտակ Մանուկյան

ՀՀ Կենտրոնական բանկի խորհրդի անդամ Արտակ Մանուկյանը ֆեյսբուքյան իր էջում գրել է. «Կցանկանայի ներկայացնել ևս մեկ կարևոր փաստ 1000 խոշոր հարկ վճարողների մասով: Նվազել է հանրային կառավարման մարմինների մասնակցությունը 1000 խոշոր հարկ վճարողների ծավալում։ Մասնավորապես՝

. 2022թ. առաջին եռամսյակի ցանկում ներկայացված էին 78 հանրային կառավարման միավոր, որոնք ապահովել էին 25 մլրդ դրամի մուտք (կամ ընդհանուրի 7.7%):

. Համեմատության համար նշենք, որ 2021թ. առաջին եռամսյակի ցանկում ներկայացված էին 83 հանրային կառավարման միավոր, որոնք ապահովել էին 29.8 մլրդ դրամի մուտք (կամ ընդհանուրի 11.5%), իսկ

. 2020թ. առաջին եռամսյակի ցանկում ներկայացված էին 91 հանրային կառավարման միավոր, որոնք ապահովել էին 24.4 մլրդ դրամի մուտք (կամ ընդհանուրի 8.9%)»: