ՄԱԿ-ի Գլխավոր ասամբլեան հակառուսական բանաձև է ընդունել. հայտնի է՝ ովքեր են դեմ քվեարկել

ՄԱԿ-ի Գլխավոր ասամբլեան հակառուսական բանաձև է ընդունել Ուկրաինայում հումանիտար իրավիճակի վերաբերյալ:

Բանաձեւի համահեղինակները մի շարք երկրներ են, այդ թվում՝ ԱՄՆ-ը, Ուկրաինան, Մեծ Բրիտանիան, Վրաստանը, Գերմանիան, Լիտվան, Լատվիան։ Փաստաթուղթը պատրաստվել է այն բանից հետո, երբ Մեքսիկան ու Ֆրանսիան չկարողացան հասնել ՄԱԿ-ի Անվտանգության խորհրդում իրենց բանաձևի ընդունմանը։ Բանաձևին կողմ է քվեարկել 140, ձեռնպահ՝ 38 երկիր, դեմ են եղել Բելառուսը, Էրիթրեան, Հյուսիսային Կորեան, Ռուսաստանը և Սիրիան։ Ձեռնպահ քվեարկողների թվում են Հայաստանը, Ալժիրը, Չինաստանը, Կենտրոնական Աֆրիկյան Հանրապետությունը, Կուբան, Եթովպիան, Հնդկաստանը, Իրանը, Ղազախստանը, Ղրղզստանը, Մալին, Նիկարագուան, Պակիստանը, Հարավային Աֆրիկան, Սուդանը, Տաջիկստանը և մի շարք այլ երկրներ։