ՌԴ կառավարությունը «Օդնոկլասսնիկի»-ում պաշտոնական խումբ է բացել

Ռուսաստանի Դաշնության կառավարությունը «Օդնոկլասսնիկի» սոցիալական կայքում պաշտոնական խումբ է բացել, որտեղ ամեն օր կհրապարակվեն հիմնական որոշումների մասին հաղորդագրությունները․ հայտնում է ՌԴ կառավարության կայքը։
«Կառավարությունը որոշել է «Օդնոկլասսնիկի» սոցիալական ցանցում պաշտոնական խումբ բացել, որպեսզի քաղաքացիները, որոնք նախընտրում են տեղեկություններ ստանալ սոցիալական ցանցերից, կարողանան առաջին ձեռքից և մատչելի ձևաչափով տեղեկանալ հիմնական նորություններին»,-ասվում է զեկույցում։

Հավելվում է, որ «Օդնոկլասսնիկում» Ռուսաստանի կառավարության խումբը կհրապարակի ամեն օր տեղեկատվություն առանցքային որոշումների մասին, կտեղադրի զեկույցներ իրադարձությունների, ինչպես նաև վարչապետ Միխայիլ Միշուստինի և նրա տեղակալների աշխատանքային այցերի մասին։