Լևոն Սահակյանն ընտրվեց ԿԲ խորհրդի անդամ

Այսօր՝ ԱԺ նիստում, Հաշվիչ հանձնախմբի նախագահ Նարեկ Բաբայանը ներկայացրեց ԿԲ խորհրդի անդամի ընտրության արդյունքները։

«ԿԲ խորհրդի անդամի ընտրության անդամի համար առաջադրվել է Լևոն Սահակյանի թեկնածությունը։ ԱԺ 107 պատգամավորներից քվեարկությանը մասնակցել են 70-ը։ Քվեատուփում առկա էր 70 քվեաթերթիկ։ Անվավեր քվեաթերթիկներ չեն եղել։ Ձայները բաշխվել են հետևյալ կերպ՝ «կողմ»՝ 69, «դեմ»՝ 1»,- նշեց նա։