«Միջազգային հանրությունը չի կարող փոխարինել Հայաստանի և Ադրբեջանի քաղաքական կամքը»․ Շալենբերգ

«Միջազգային հանրությունը չի կարող փոխարինել Հայաստանի և Ադրբեջանի քաղաքական կամքը։ Պետք է, Երևանը և Բաքուն քաղաքական կամք դրսևորեն այդ ուղղությամբ․ մենք գիտենք, որ վերքը դեռևս բաց է, կա կարգավիճակի, սահմանների հարց»,- այսօր՝ ասուլիսի ժամանակ անդրադառնալով Արցախի հարցին, ասաց Ավստրիայի Եվրոպական և արտաքին գործերի դաշնային նախարար Ալեքսանդր Շալենբերգը։

«Ավստրիայի, ԵՄ-ի և ԵԱՀԿ-ի անունից եմ խոսում՝ մենք պատրաստակամ ենք օգնել, բայց դուք պետք է ցանկանաք ընդունել մեր օգնությունը։ Ես հիմա տեսնում եմ ճիշտ քայլերի դիմելու պատրաստակամություն, որն անհրաժեշտ է երկու առաջնորդների կողմից»,- նշեց Շալենբերգը։