Ղազախստանում անկարգությունների ժամանակ 225 մարդ է զոհվել

Ղազախստանում անկարգությունների ժամանակ զոհվել է 225 մարդ, այդ թվում՝ անվտանգության 19 աշխատակից. «ՌԻԱ Նովոստի»-ի փոխանցմամբ հայտնել է Գլխավոր դատախազության քրեական հետապնդման ծառայության ղեկավար Սերիկ Շալաբաևը։
«225 մահացածներ տեղափոխվել են դիահերձարաններ... ներառյալ 19 ոստիկան և զինվորական»,- ասել է նա շաբաթ օրը կայացած մամուլի ասուլիսի ժամանակ։
Առողջապահության նախարարության հասարակայնության հետ կապերի բաժնի տնօրեն Ասել Արտակշինովան լրագրողներին պարզաբանել է, որ 225 մահացածներից 175-ը մահացել են բուժհաստատություններում։ Նա նաև հայտնել է, որ անկարգությունների ժամանակ տուժել է 4578 մարդ։
«Պարզվել է 4578 զոհի ինքնությունը, նրանցից 4353-ը տուժել են, այդ թվում՝ իրավապահ մարմինների 3393 աշխատակից»,- ասել է Շալաբաևը։