Երևանցիները դժգոհում են. տրանսպորտը վատ է աշխատում. «Ժողովուրդ»

«Ժողովուրդ» օրաթերթը գրում է. «Տևական ժամանակ է, ինչ մեր համաքաղաքացիները դժգոհում են Երևանի հասարակական տրանսպորտի որոշ երթուղիների վատ աշխատանքից:

Բողոքող քաղաքացիների խոսքով՝ Երևանում գործող երթուղիների մի մասին շատ երկար են սպասում կանգառում: Երեկ դիմել են 10 համարի ավտոբուսից օգտվող քաղաքացիները: Նշված համարի տրանսպորտային միջոցին իրենք չափազանց երկար են սպասում կանգառներում՝ մոտ 30 րոպե:

Երբ քաղաքացիները պատճառների մասին հետաքրքրվել են վարորդներից, ստացել են կարճ պատասխան՝ վարորդ չկա. բոլորը կորոնավիրուսով հիվանդ են: Ապա դժգոհել են, որ երևանյան հանրային տրանսպորտը լիարժեք չի ախտահանվում, ինչի պատճառով վարորդները հիվանդանում են: Ասել է թե՝ Երևանի որոշ երթուղիներ վարորդի խիստ պակաս ունեն, ինչի պատճառով փաստի առաջ կանգնել է ուղևորը»: