Գորշ արջերը՝ Վայոց ձորի մարզում
![]() Կովկասյան կենսաբազմազանության ապաստարանի (CWR) անտառապահները շարունակում են վայրի բնության հետաքրքիր և կենդանի կադրեր ֆիքսել։ Այս անգամ անտառապահի տեսախցիկի առջև են հայտնվել գորշ արջերը, որոնց ազատությունը շատ բարձր է գնահատվում Վայրի բնության և մշակութային արժեքների պահպանման հիմնադրամի (FPWC) կողմից։ Նշենք, որ գորշ արջը /Ursus arctos/ գրանցված է ՀՀ կենդանիների կարմիր գրքում: Ներկայումս տեսակն ընդգրկված է ԲՊՄՄ Կարմիր ցուցակում (ver. 3.1) «Least Concern» կարգավիճակով: ԲՊՄՄ Կարմիր ցուցակի չափորոշիչներով գնահատվում է որպես «Խոցելի»՝ VU B2ab(iii,iv): ԿԳ տվյալները փաստում են՝ այն, որ արջերը հաճախ մտնում են գյուղեր՝ վնաս հասցնելով պտղատու այգիներին և փեթակներին, դրանց մեծ թվաքանակի վկայություն չի կարելի համարել: Ավելի հավանական է, որ դա բիոտոպերի քայքայման և կերային ռեսուրսների անբավարարության հետևանք է, որը բերում է պոպուլյացիայի մասնատմանը: Կադրերը ֆիքսվել են Վայոց ձորի մարզում․ կովկասյան կենսաբազմազանության ապաստարանը ձգվում է Արարատից մինչև Վայոց ձոր։ Ամբողջ տարածքում FPWC կողմից կառավարվող CWR-ի անտառապահներն իրականացնում են մասնավոր կերպով մշտական և աչալուրջ պահպանություն՝ թույլ չտալով որսագողություն, անտառհատումներ և բնության նկատմամբ այլ հանցագործություններ։ Ընդգծենք նաև, որ բազմաթիվ երկրներ զրկված են վայրի բնության մեջ նման բազմատեսակ կենդանական և բուսական աշխարհ ունենալու հնարավորությունից, իսկ Հայաստանն այս առումով յուրահատուկ է, ուստի պետք է արվի ամեն հնարավորն այս բազմազանության պահպանության ուղղությամբ։ Շուրջ 30․000 հա զբաղեցնող Կովկասյան կենսաբազմազանության ապաստարանն առաջին մասնավոր պահպանվող տարածքն է Հարավային Կովկասում: Ապաստարանը կառավարվում է Վայրի բնության և մշակութային արժեքների պահպանման հիմնադրամի (FPWC) կողմից: CWR և հարակից տարածքներն առանցքային նշանակություն ունեն Հարավկովկասյան կենսաբազմազանության պահպանման հարցում: |

«Չարենցավան քաղաքում թափառող շների խնդիրը դարձել է անկառավարելի». Հասմիկ Ղազարյան
15918.11.2026, 21:30
Բջնիի հանքային ջրի աղբյուրն անհայտ անձինք ցանկապատել են, կողպեք կախել, աղբ թափել (լուսանկար)
19717.11.2026, 02:06
«Այրված խոտի և տերևների թանձր ծուխը պատել էր Արարատյան գոգավորությունը». Լևոն Գալստյան
23216.11.2026, 02:06
Նոյեմբերի 20-ից մինչև 2027-ի փետրվարի 1-ը Սևանա լճում խստիվ արգելվում է սիգի արդյունագործական որսը
25215.11.2026, 18:00
«Սա՞ է քաղաքապետին հարիր գրագետ ընտրված առողջ տնկին»․ Քրիստինա Վարդանյան
23807.11.2026, 16:36
8-րդ կովկասյան հովազը՝ Կովկասյան կենսաբազմազանության ապաստարանի Ուրցաձորի տեղամասում (տեսանյութ)
25303.11.2026, 21:48
