Ռումբի մասին ահազանգի պատճառով Թաջ Մահալից տարհանել են զբոսաշրջիկներին
Հնդկաստանի Ագրա քաղաքի ոստիկանությունը տարհանել է Թաջ Մահալի այցելուներին՝ տարածքում տեղադրված պայթուցիկ սարքի մասին ահազանգից հետո: «2021 թվականի մարտի 4-ին տեղեկություն է ստացվել, որ Թաջ Մահալի կողքին ռումբ է տեղադրված, որը որոշ ժամանակ անց կպայթի»,- Twitter-ում հայտնել է Ագրայի ոստիկանության ներկայացուցիչը: Որպես նախազգուշական միջոց՝ պատմական հուշարձանի ներսում գտնվող բոլոր զբոսաշրջիկներն անմիջապես տարհանվել են, իսկ մուտքն ու ելքը փակվել է։ Ինչպես նշում Է Zee news հեռուստաալիքը, նախնական տվյալներով՝ պայթյունի սպառնալիքով զանգն ստացվել է Հնդկաստանի Ուտար Պրադեշ նահանգի Ֆերոզաբադ քաղաքից, այժմ փորձում են գտնել զանգահարողին: Ավելի ուշ Ագրայի գլխավոր տեսուչը India TV հեռուստաալիքին հայտնել է, որ իշխանությունները Թաջ Մահալում պայթուցիկ սարքեր չեն հայտնաբերել: «Այսօր առավոտյան անհայտ անձը զանգահարել է 112 ծառայություն և հայտնել, որ Թաջ Մահալում ռումբի պայթյուն կլինի։ Անմիջապես՝ կանոնների համաձայն, մեր սակրավորն ու մյուս բրիգադներն իրականացրել են տարածքի մանրակրկիտ խուզարկություն։ Առայժմ նման օբյեկտի հայտնաբերման մասին ոչ մի տեղեկություն չի տրամադրվել»,- ասել է Ագրայի գլխավոր տեսուչ Սաթիշ Գանեշը։ |
Հրթիռային հարված՝ Չեռնիգովի ուղղությամբ. զոհերի թիվն աճում է (լուսանկար, տեսանյութ)
14513:48Պայթյուններ՝ Ղրիմում (տեսանյութ)
22510:30«Դիմակավոր անձինք Սամվել Վարդանյանին դաժան ծեծել են». Վարազդատ Հարությունյան (տեսանյութ)
475Երեկ, 13:36Մալաթիայի գյուղմթերքի շուկայում հայտնաբերվել է տղամարդու դի
468Երեկ, 12:36ԱՄՆ-ում զինամթերքի գործարան է այրվել (լուսանկար)
846Երեկ, 12:18Ողբերգական ավտովթար է տեղի ունեցել Տավուշի մարզում
65815.04.2024, 20:06