Երևան`   +4 °C
Այսօր`   Չորեքշաբթի, 18 նոյեմբերի, 2026 թ.

Լավրովը հեռախոսազրույց է ունեցել Զոհրաբ Մնացականյանի հետ

746
Կիրակի, 27 սեպտեմբերի, 2020 թ., 14:45
Լավրովը հեռախոսազրույց է ունեցել Զոհրաբ Մնացականյանի հետ

Ռուսաստանի արտգործնախարար Սերգեյ Լավրովը Զոհրաբ Մնացականյանի հետ հեռախոսազրույցում անհանգստություն է հայտնել Արցախի Հանրապետության շփման գծում տեղի ունեցող ռազմական գործողությունների կապակցությամբ: Այս մասին հայտարարել է ՌԴ ԱԳՆ-ը:
«Ռուսաստանի արտգործնախարար Սերգեյ Լավրովը սեպտեմբերի 27-ին հեռախոսազրույց է ունեցել Հայաստանի արտգործնախարար Մնացականյանի հետ: Քննարկվել է իրավիճակը Լեռնային Ղարաբաղի հակամարտության գոտում»,- ասված է հաղորդագրության մեջ:

Հիշեցնենք, որ սեպտեմբերի 27-ին՝ ժամը 07:15-ի սահմաններում, հակառակորդը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ողջ երկայնքով՝ թիրախավորելով նաև խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը: