Կոլեսնիկովան պահանջել է քրգործ հարուցել ՊԱԿ-ի և ԿՀՊԳՎ աշխատակիցների դեմ
 Բելառուսի ընդդիմության առաջնորդներից Մարիա Կոլեսնիկովան Քննչական կոմիտեից պահանջել է քրեական գործ հարուցել ՊԱԿ-ի և ԿՀՊԳՎ աշխատակիցների նկատմամբ, որոնք, նրա խոսքով, ձերբակալության ժամանակ կյանքից զրկելու սպառնալիքներ են հնչեցրել: Կոլեսնիկովայի հայտարարությունը փոխանցել է փաստաբան Լյուդմիլա Կազակը: Հայտարարության մեջ Մարիա Կոլեսնիկովան ներկայացրել է սեպտեմբերի 7-ի և 8-ի իրադարձությունների ժամանակագրությունը և այն ամենը, ինչ տեղի է ունեցել այդ ժամանակահատվածում՝ մարդկանց առևանգումը, հոգեբանական ճնշումները, կյանքից զրկելու սպառնալիքները, բռնի արտաքսելու փորձը: «Նշված կառույցների կողմից ինձ կյանքից զրկելու սպառնալիքներ են հնչել։ Ասում էին՝ եթե կամավոր չհեռանամ Բելառուսի Հանրապետության տարածքից, ինձ միևնույն է դուրս կբերեն՝ կենդանի կամ մասնատված։ Երբ ՊԱԿ-ի աշխատակիցները հասկացան, որ Բելառուսից կամավոր չեմ հեռանա, գլխիս պարկ հագցրեցին և միկրոավտոբուսով տարան բելառուսա-ուկրաինական սահման, որտեղ ուժի կիրառմամբ, իմ կամքին հակառակ, փորձեցին ինձ վտարել Բելառուսի Հանրապետությունից։ Երբ պատռեցի անձնագիրս, ինձ կրկին նստեցրին միկրոավտոբուս և տեղափոխեցին սահմանապահ ջոկատ... Այսպիսով, Բելառուսի Հանրապետության ԿՀՊԳՎ-ն ու ՊԱԿ-ն իմ նկատմամբ կատարել են քրեորեն պատժելի արարքներ»,- ասված է Կոլեսնիկովայի հայտարարության մեջ: |
Թբիլիսիում բախումներ են սկսվել ոստիկանների և ցուցարարների միջև
25100:18
Վրաստանի խորհրդարանի շենքի մոտ տեղակայվել են հատուկ ջոկատայիններ
255Երեկ, 23:54
«Մինչ ապրիլի 24-ը ձևախեղելու են Հայոց Ցեղասպանության իրողությունն ու ընկալումը». Վլադիմիր Մարտիրոսյան
289Երեկ, 23:48
Իսրայելական բանակը հայտնել է, որ իրանական հրթիռները «փոքր-ինչ վնասել են ավիաբազան»
198Երեկ, 23:18
«Բավարարված եմ». Աննա Հակոբյան (լուսանկար, տեսանյութ)
227Երեկ, 22:30
«3 խոզի համար գյուղացուն 100 հազարով տուգանում եք». խոզաբույծները՝ ՍԱՏՄ ներկայացուցչին
223Երեկ, 21:48