«ՃՈ-ում որևէ մեկը չի՞ ֆայմել, որ արժե սեկցիայի լույսն անջատելու փոխարեն կարմիր լույս միացնել, որ վարորդները շփոթության մեջ չհայտնվեն»․ Արման Ղարիբյան

«Իրավունքի ուժը» ՀԿ համահիմնադիր Արման Ղարիբյանը ֆեյսբուքյան իր էջում գրել է. «2007 թվականի որոշման մեջ նշված է․ «Լրացուցիչ սեկցիայի անջատված ազդանշանն արգելում է երթևեկությունն այդ սեկցիայով կարգավորվող ուղղությամբ»։ 13 տարվա ընթացքում ՃՈ-ում որևէ մեկը չի՞ ֆայմել, որ արժե սեկցիայի լույսն անջատելու փոխարեն կարմիր լույս միացնել, ինչպես որ արվում է գլխավոր լուսաֆորի դեպքում, որ վարորդները շփոթության մեջ չհայտնվեն, հատկապես գիշերային ժամերին, երբ լույսն անջատված սեկցիան տեսանելի չէ։ Չե՞ն ֆայմել, թե՞ այսպես հարմար է, որ վարորդներին տուգանեն։
Հ․Գ - Աչքիս սկսեմ նաև երթևեկության ոլորտի խնդիրներով զբաղվել։ Մեր երկրում որ ոլորտից մի քիչ տեղեկանում ես, բազմաթիվ խնդիրներ են վեր հառնում, որոնցով տարիներով ոչ մեկ չի զբաղվել»։