«Հուսով եմ` կգա ժամանակ, որ տեսախցիկների քանակը զգալի կպակասի». Կարեն Չիլինգարյան

«Սպառողների խորհրդատվական կենտրոն» ՀԿ նախագահ Կարեն Չիլինգարյանը Ֆեյսբուքյան իր էջում գրել է. «Լսում էի ԱԺ-ում մեկ համարի բացակայության դեպքում տուգանելու և 2 բալ հանելու առաջարկը: Այդ առիթով ուշադրություն դարձրեցի ԱՄՆ-ում (այժմ այստեղ եմ գտնվում) մեքենաներին ու հայտնաբերեցի, հետո նաև ինձ բացատրեցին այստեղի օրենքների մասին, որ մեքենաները կարող են երթևեկել նաև միայն ետևի մեկ համարով ու դա թույլատրվում է: Դե պարզ է, մեզ մոտ անչափ շատ են տեսախցիկները և հիմնակնում նկարում են առջևից, այդ պատճառով համարի բացակայությունը թույլ չի տա նկարահանել: Հուսով եմ, կգա մի ժամանակ, երբ մեզ մոտ էլ վարորդները այնքան կարգապահ կլինեն, որ նման խստությունները և տեսախցիկների քանակը զգալի կպակասեն: Ի դեպ, ԱՄՆ-ում հազվադեպ եմ հանդիպել տեսախցիկներ, հիմնականում խաչմերուկներում՝ կարմիր լույսի խախտումը ֆիքսելու համար և պարտադիր նկարում են երթևեկության երկու կողմի վրա: Էս էլ մի քանի նկար»: