Անելանելի վիճակ՝ հայտարարագրի պատճառով
MAMUL.am-ի խմբագրություն է զանգահարել անհատ ավտոներկրող Գեղամ Ղարիբյանը: Նա ավտոմեքենաներ է ներկրել և շատերի նման ցանկացել է օգտվել ՊԵԿ-ի ընձեռած հնարավորությունից. այն է՝ մինչև դեկտեմբերի 31-ը նախնական հայտարարագիր ներկայացնել, աջ ղեկով ներմուծված մեքենաները Վրաստանում դարձնել ձախ ղեկով և բերել Հայաստան: Սակայն տեխնիկական պատճառներով չի հասցրել: Ըստ նրա՝ դեկտեմբերի 26-ին համաձայնության է եկել մի բրոքերի հետ, որը սկզբնական շրջանում համաձայնել է օգնել հայտարարագրի ներկայացման հարցում՝ յուրաքանչյուր մեքենայի համար 15 հազար դրամ վարձավճար պահանջելով: Սակայն հետո 15 հազար դրամը դարձրել է 50 հազար դրամ, այն դեպքում, երբ ոմանք 8 հազար դրամ էին վճարել: Գ.Ղարիբյանը փորձել է այլ բրոքեր գտնել, նրանք էլ 100 հազար դրամ են պահանջել: Դիմել է նաև ՊԵԿ-ի բրոքերներին, նրանք ևս հրաժարվել են՝ պատճառաբանելով, թե չեն հասցնի: Այդպիսով՝ անհատ ավտոներկրողը չի կարողացել ՊԵԿ-ի սահմանած ժամկետում՝ մինչև դեկտեմբերի 31-ը հայտարարագիր ներկայացնել, մեքենաները մնացել են Վրաստանում, ինքն էլ հայտնվել է անելանելի վիճակում: «Ես բանկից եմ վարկ վերցրել, գումար՝ իմ ազգականներից, ազգականս իր տունը գրավ է դրել, ինձ գումար է տվել որպես վստահելի մարդ: Հիմա եթե չթողնեն մեքենաները բերեմ, դրանք կմնան Վրաստանում, Վրաստանն էլ ինձ կտուգանի, կասի՝ ինչի՞ ես թողնում դա իմ երկրում: Հայաստան էլ չեմ կարող բերել, քանի որ չեմ կարող այդ թանկ գնով մաքսազերծել: Բանկի առջև ես դարձա անօրեն, հարազատներիս մոտ՝ անվստահելի մարդ, հիմար վիճակ է: Երեկ օրինական մարդ էի, մի թղթի պատճառով դառնում եմ անօրինական մա՞րդ: Վրաստանում պնդում են, որ կհասցնեն մինչև հունվարի վերջ մեքենան ձախակողմյան դարձնել: Միակ խնդրանքս այն է, որ թույլ տան, որ ես նոր հայտարարագիր գրեմ, օգտվեմ հնարավորությունից և կարողանամ մեքենաները Հայաստան բերել»,- ասաց Գ. Ղարիբյանը: Հիշեցնենք, որ ՊԵԿ նախագահի տեղակալ Շուշանիկ Ներսիսյանը Հ1 հեռուստաընկերությանը տված հարցազրույցում ասել էր, որ եթե մեքենա ներկրած մարդիկ հասցնեն մինչև դեկտեմբերի 31-ը նախնական հայտարարագիր ներկայացնել, 30 օրվա ընթացքում մեքենան հասցնել ՀՀ մաքսային մարմիններ, ապա այդ պարագայում կկիրառվեն 2019թ. դրույքաչափերը: Այս դեպքում գործում է «Վերամշակում՝ մաքսային տարածքում» ընթացակարգը, այսինքն՝ մեքենաները բերվում են Հայաստան, այնուհետև տարվում ԵԱՏՄ անդամ երկրներ սպառման: |
Ոստիկանները տուգանում են հավաքին աջակցող վարորդներին (տեսանյութ)
65Երեկ, 21:18Փողոցները փակ կմնան մինչև 22։00-ն․ ՀՀ ՆԳՆ
28815.05.2024, 21:24Վանաձորում մեկնարկել է ավտոերթը (տեսանյութ)
68714.05.2024, 14:24Ավտոերթ՝ Ոսկեպարում (տեսանյութ)
98813.05.2024, 15:48Փակ է Բագրատաշենի ճանապարհը
125912.05.2024, 21:00«Շիրակը հանուն հայրենիքի» շարժումն ավտոերթ է իրականացնում (տեսանյութ)
110912.05.2024, 14:48