Երևան`   0 °C
Այսօր`   Ուրբաթ, 13 դեկտեմբերի, 2019 թ.

«Առաջարկում ենք միառժամանակ դադարեցնել մետաղական հանածոների արդյունահանման նոր թույլտվությունների տրամադրումը». Մ. Գալստյան

198
Ուրբաթ, 15 նոյեմբերի, 2019 թ., 21:05
«Առաջարկում ենք միառժամանակ դադարեցնել մետաղական հանածոների արդյունահանման նոր թույլտվությունների տրամադրումը». Մ. Գալստյան

ԱԺ «Իմ քայլը» խմբակցության պատգամավոր Մերի Գալստյանը ֆեյսբուքյան իր էջում գրել է. «Գործընկերներիս՝ Լենա Նազարյանի և Վարազդատ Կարապետյանի հետ շրջանառության մեջ ենք դրել «Ընդերքի մասին ՀՀ օրենսգրքում լրացումներ և փոփոխություններ կատարելու մասին» օրենքի նախագիծ՝ համաձայն որի առաջարկում ենք միառժամանակ դադարեցնել մետաղական օգտակար հանածոների արդյունահանման նոր թույլտվությունների տրամադրումը մինչև 2021թ ավարտը: Այս ընթացքում պետք է մշակվի ընդերքօգտագործման ռազմավարությունը, դրանից բխող ընդերքօգտագործման օրենսդրական փոփոխությունների փաթեթը և դրանով պայմանավորված՝ ենթաօրենսդրական ակտերը: Ինչպես նախկինում բազմիցս նշել եմ՝ հանքարդյունաբերության ոլորտը լրջագույն բարեփոխումների կարիք ունի՝ թե՛ օրենսդրական և թե՛ ինստիտուցիոնալ դաշտում, իսկ որ ամենակարևորն է՝ մենք պետք է ունենանք ոլորտի հստակ ռազամավարություն, որտեղ կուղենշվեն պետության հիմնական սկզբունքներն ու ուղղությունները, այն տեսլականը, որով կընթանա ոլորտի հետագա կառավարումն ու զարգացումը:
Մեր կողմից առաջարկվող օրենքի նախագիծը ներառում է նաև լրացուցիչ այլ կարգավորումներ, որոնց առավել մանրամասն կանդրադառնամ առաջիկայում»: