Երևան`   +8 °C
Այսօր`   Հինգշաբթի, 14 նոյեմբերի, 2019 թ.

Եզրահանգումներ՝ հակածխախոտային օրենքի շուրջ քննարկումներից. Բաբկեն Թունյան

119
Հինգշաբթի, 07 նոյեմբերի, 2019 թ., 21:30
Եզրահանգումներ՝ հակածխախոտային օրենքի շուրջ քննարկումներից. Բաբկեն Թունյան

Ազգային ժողովի «Իմ քայլը» խմբակցության պատգամավոր, տնտեսական հարցերի մշտական հանձնաժողովի նախագահ Բաբկեն Թունյանը ֆեյսբուքյան իր էջում գրել է. «ԱԺ տնտեսական հարցերի մշտական հանձնաժողովի նիստում այսօր քննարկեցինք Կառավարության հեղինակած «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» և կից նախագծերի փաթեթը։
Ի հեճուկս չարագուշակ կանխատեսումների՝ քննարկումն անցավ կառուցողական մթնոլորտում և արդյունավետ էր։ Առանցքային հարցերից մի քանիսի շուրջ կոնսենսուս ձեռք բերվեց։
Քանի որ փաթեթը մեծ կարևորություն ունի և հարցերն ու առաջարկները շատ էին, առողջապահության նախարար Արսեն Թորոսյանի համաձայնությամբ որոշեցինք քվեարկությունը հետաձգել մինչև 2 ամիս ժամկետում։
Սա մեզ հնարավորություն կտա ավելի հանգիստ, աշխատանքային ռեժիմում ի մի բերել ու մշակել բոլոր առաջարկները, քննարկել այն հարցերը, որ չհասցրեցինք, ու հանձնաժողովի հաջորդ նիստում ավելի էֆեկտիվ շարունակել մեր աշխատանքն ու որոշում կայացնել։
Կփորձենք հնարավորինս սեղմ ժամկետում նախապատրաստական մասն ավարտել, և նախագծի վերաբերյալ հանձնաժողովի որոշում ունենալ մինչև նոյեմբերի վերջ։
Վստահ եմ, որ արդյունքում ունենալու ենք շատ ավելի լավ օրենք։
Շնորհակալ եմ գործընկերներիս և, մասնավորապես, Արսեն Թորոսյանին՝ շահագրգիռ և առողջ քննարկման համար»: