Անապատում գործարկվել է աշխարհում ամենամեծ արևային էլեկտրակայանը

Սահարա անապատում շահագործման է հանձնվել Benban արևային պարկը, որի հզորությունն աշխարհում ամենամեծն է՝ 1.5 ԳՎտ-ից ավելի:

Այս տեղեկատվությունը հրապարակել է Վերակառուցման և զարգացման եվրոպական բանկը (ՎԶԵԲ)՝ տեղադրելով YouTube-ում արևային էլեկտրակայանի մասին տեսանյութը:

Նշվում է, որ պարկը պարունակում է 6 միլիոն ֆոտովոլտային վահանակ:

Այս նախագիծն իրականացնելու համար պահանջվել է երեք տարի: ՎԶԵԲ-ը ֆինանսավորել է էլեկտրակայանի 32 հատվածներից 16-ը:

Արևային էլեկտրակայանը կառուցվել է Օսա քաղաքի մերձակայքում և զբաղեցնում է անապատում 37 քմ կմ տարածք: 1,5 ԳՎտ հզորությամբ պարկը ի զորու է էլեկտրաէներգիայով ապահովելու ավելի քան 1 միլիոն բնակչի:

Ավելին, ապագայում արևային պարկը նախատեսվում է հասցնել 1,8 ԳՎտ հզորության: