«Ինչո՞ւ ենք ուրիշ երկրի բյուջեն լցնում, եթե կարող ենք մերը լցնել». ավտոներկրողները նամակ փոխանցեցին կառավարությանը

Կառավարության շենքի առջև հոկտեմբերի 10-ին բողոքողների պակաս չկար: Տուրիստական գործակալությունների գործողություններից տուժած, զոհվածների ընտանիքների անդամներից բացի՝ այստեղ էին նաև աջ ղեկով մեքենաներ ներկրողները: Նրանք պահանջում էին, որ կառավարությունը թույլտվություն և հնարավորություն տա, որպեսզի իրենք կարողանան մեքենաները ներմուծել ու վերասարքավորել Հայաստանում, քանի որ նույն աշխատանքը Վրասատանում անորակ և բարձր գնով է արվում: «Ինչո՞ւ ենք ուրիշ երկրի բյուջեն լցնում, եթե կարող ենք մեր երկրի բյուջեն լցնել. թող թողնեն Հայաստանում իրականացնենք վերասարքավորումը»,- բողոքում էին ավտոներկրողները՝ նշելով, որ այս պահին հարյուրավոր մեքենաներ մաքսատանն են»:

Ավտոներկրողները համապատասխան խնդրանքով նամակ-դիմում փոխանցեցին կառավարությանը: