Երևան`   +9 °C
Այսօր`   Երեքշաբթի, 15 հոկտեմբերի, 2019 թ.

Էկվադորի խորհրդարանը դադարեցրել է աշխատանքը՝ ընթացող բողոքի ցույցերի պատճառով

418
Չորեքշաբթի, 09 հոկտեմբերի, 2019 թ., 17:15
Էկվադորի խորհրդարանը դադարեցրել է աշխատանքը՝ ընթացող բողոքի ցույցերի պատճառով

Էկվադորի խորհրդարանը դադարեցրել է աշխատանքները՝ մայրաքաղաք Կիտոյում և այլ քաղաքներում ընթացող բողոքի զանգվածային ցույցերի պատճառով, փոխանցում է РИА Новости-ն՝ հղում անելով խորհրդարանի CREO («Կերտելով հնարավորություններ») պատգամավոր Օմերո Կաստանիերին:
«Նախօրեին օրենսդիր մարմնի ներկայացուցիչները հանդիպել են խորհրդարանի նախագահի և փոխնախագահի հետ, որոշում է կայացվել չեղարկել խորհրդարանի աշխատանքները, քանի որ չկան երաշխիքներ, որ պատգամավորները կկարողանան ապահով մուտք գործել շենք»,- հայտնել է Կաստանիերը:

Ցույցերի ու դժգոհության պատճառն Էկվադորում վառելիքի բարձր գինն է: Մի քանի օր շարունակ տևած տրանսպորտային ծառայությունների գործադուլի պատճառով երկիրը կաթվածահար է եղել: