Պետության կողմից պահպանվող անձանց սպասարկող մեքենաները կոպտորեն խախտում են երթևեկության կանոնները

Համացանցի ֆեյսբուքյան տիրույթում օգտատերերը տարածում են լուսանկարներ, որոնցում պատկերված են հատուկ պետհամարանիշերով մեքենաները՝ սխալ կայանված: «Նրանք թքած ունեն երթևեկության կանոնների վրա էլ, հետիոտների վրա էլ»,- գրում են օգտատերերը: Մեքենաները կայանված են հետիոտնային անցումների վրա: Նրանցից մեկը Եկմալյան փողոցի վրա է, մյուսը՝ ԱԳՆ շենքի դիմաց:

Օգտատերերի աչքից չի վրիպել նաև սովորական պետհամարանիշերի վրայից հատուկ պետհամարանիշեր փակցրած փիքափը: «Սա նորմա՞լ ա, սովորական համարի վրայից կապույտ համարներից են փակցրել: Մեկ էլ՝ էս փիքափով ու՞մ են դիմավորում, Բուրկինա Ֆասոյի պատվիրակությա՞նը»,- գրել է «Մի արեք այսպես» ֆեյսբուքյան խմբի օգտատերը:

Նշենք, որ լուսանկարում պատկերված՝ ARM գրությամբ կապույտ ու սպիտակ պետհամարանիշերով մեքենաներն սպասարկում են պետութան կողմից պահպանվող անձանց: