Երևան`   +16 °C
Այսօր`   Հինգշաբթի, 19 սեպտեմբերի, 2019 թ.

Էկոնոմիկայի նախարարությունը՝ ավտոմեքենաների մաքսատուրքերի վերաբերյալ

115
Հինգշաբթի, 05 սեպտեմբերի, 2019 թ., 12:45
Էկոնոմիկայի նախարարությունը՝ ավտոմեքենաների մաքսատուրքերի վերաբերյալ

ՀՀ էկոնոմիկայի նախարարության ֆեյսբուքյան էջից տեղեկանում ենք. «Հաշվի առնելով վերջին շրջանում երրորդ երկրներից դեպի Հայաստան ավտոմեքենաների ներկրման ընթացակարգերի և մաքսատուրքերի վերաբերյալ մի շարք մեկնաբանությունները և տարընթերցումները՝ ներկայացնում ենք որոշ պարզաբանումներ․

. Ռուսաստանի Դաշնության՝ Առևտրի համաշխարհային կազմակերպությանն ստանձնած պարտավորությունների կատարման նպատակով՝ 2019-ի մայիսի 28-ի Եվրասիական տնտեսական հանձնաժողովի Խորհրդի որոշման՝ փոփոխվել են (նվազել են) որոշ ապրանքների, այդ թվում՝ նաև մի շարք մարդատար մեքենաների մաքսատուրքի դրույքաչափերը։ Վերջերս տարբեր հրապարակումներում հնչեցված որոշ մեքենաների վերաբերյալ համապաստխան տեղեկատվությունը՝ կից նկարում:
. Նշված որոշումը հրապարակվել է 2019-ի մայիսի 31-ին, իսկ սույն որոշմամբ սահմանված դրույթներն ուժի մեջ են մտել 2019-ի սեպտեմբերի 1-ից, սակայն Հայաստանի համար նշյալ դրույթները կգործեն 2020-ի հունվարի 1-ից՝ հաշվի առնելով, այն որ մարդատար ավտոմեքենաների) 8703 ԵԱՏՄ ԱՏԳ ԱԱ ծածկագրին դասվող) համար մինչև 2020-ի հունվարի 1-ը կգործեն անցումային շրջանում կիրառվող Եվրասիական տնտեսական միության միասնական մաքսային սակագներից ցածր ներմուծման մաքսատուրքերի դրույքաչափերը:
. Միևնույն ժամանակ, 2017-ի դեկտեմբերի 20-ի Եվրասիական տնտեսական հանձնաժողովի Խորհրդի որոշման համաձայն ֆիզիկական անձանց համար՝ անձնական օգտագործման նպատակով դասվող մարդատար մեքենաների (ԵԱՏՄ ԱՏԳ ԱԱ 8703 ծածկագրին դասվող) ԵԱՏՄ մաքսային տարածք ներմուծման ժամանակ Հայաստանի համար 2020-ի հունվարի 1-ից մաքսատուրքերը և հարկերը կգանձվեն հավաքական մաքսային վճարի տեսքով:
. Հարկ է նշել, որ Եվրասիական տնտեսական միության շրջանակներում որոշումներն ընդունվում են բոլոր անդամ երկրների համաձայնության պարագայում և ընդունվելու դեպքում հրապարակվում են Եվրասիական տնտեսական հանձնաժողովի պաշտոնական կայք-էջում:
. Հիշեցնում ենք, որ ԵԱՏՄ անդամակցության շրջանակներում իրականացված բանակցային գործընթացի շրջանակներում Հայաստանն ստացել է իրավունք 5 տարի ժամկետով պահպանել մարդատար ավտոմեքենայի /8703 ԵԱՏՄ ԱՏԳ ԱԱ ծածկագրին դասվող/ համար գործող մաքսատուրքի դրույքաչափը՝ 10%, ինչն էականորեն ցածր է Եվրասիական տնտեսական միության միասնական սակագներից»: