Երևան`   +9 °C
Այսօր`   Կիրակի, 22 նոյեմբերի, 2026 թ.

Դատարանում հետազոտվեց հրազենը, որով, ըստ մեղադրանքի, ՊՊԾ գնդի գրավման ժամանակ սպանվել է ոստիկաններից մեկը

946
Չորեքշաբթի, 28 օգոստոսի, 2019 թ., 13:00
Դատարանում հետազոտվեց հրազենը, որով, ըստ մեղադրանքի, ՊՊԾ գնդի գրավման ժամանակ սպանվել է ոստիկաններից մեկը

Երևանի ընդհանուր իրավասության դատարանի Շենգավիթի նստավայրում, դատավոր Մեսրոպ Մակյանի նախագահությամբ ընթացող «Սասնա Ծռեր» խմբի 10 անդամների գործով դատավարությանը դատարանում հետազոտվեցին գործում առկա իրեղեն ապացույցները։

Նշենք, որ «Սասնա ծռերից» միայն Սմբատ Բարսեղյանն ու Արմեն Բիլյանն են շարունակում մնալ կալանքի տակ, նրանք մեղադրվում են ոստիկանների սպանության մեջ:

Նիստի ընթացքում դատավորն ասաց, որ ըստ մեղադրական եզրակացության, դատարան ներկայացված հրազենից է սպանվել ոստիկանության աշխատակից Յուրի Տեփանոսյանը։

Տեփանոսյանի սպանության մեջ մեղադրվող Սմբատ Բարսեղյանը հայտարարեց, որ զինատեսակը ծանոթ է, բայց չգիտի՝ իր մոտ հենց այդ հրազենն է եղել, թե՞ ոչ։

Հետազոտվեցին նաև հրազենից արձակված պարկուճները, սպանված ոստիկանների համազգեստները:

Տեսանյութը՝ Ա1 պլյուսի