«Դուք միշտ հետապնդվելու եք»․ ցուցարարները՝ ՍԴ նախագահին

Ինչպես տեղեկացրել էինք՝ ՍԴ դիմաց հավաքված մի խումբ ցուցարարներ, «Հրայր, հեռացի՛ր» վանկարկելով, պահանջում են Հրայր Թովմասյանի հրաժարականը։

Ակցիայի ընթացքում ընդհարում տեղի ունեցավ ցուցարարների և ոստիկանների միջև․ ցուցարարներից մի քանիսը փորձեցին մտնել դատարանի շենք, սակայն ոստիկանները կասեցրին նրանց մուտքը։

«Դա Ձեր տեղը չէ, հեռացեք այդտեղից։ Այս ակցիան չի վերջանալու։ Դուք միշտ հետապնդվելու եք։ Ավելի լավ է կամավոր թողնեք Ձեր պաշտոնը, Դուք արժանի չեք այդ պաշտոնին»,- դիմելով ՍԴ նախագահին՝ ասում էին ակցիայի մասնակիցները։

Նշենք, որ ոստիկանները պատ են կազմել շենքի դիմաց, այստեղ են նաև կարմիր բերետավորները։