«Եթե այսօր անց են կացվել ծածուկ ընտրություններ, դրանք համարում եմ անօրինական»․ Գաբրիել Ղազարյան
Այսօր ԵԿՄ շենքում տեղի է ունեցել Հայաստանի թաեքվանդոյի ֆեդերացիայի համաժողովը և նոր ղեկավար կազմի ընտրությունները։ Ֆեդերացիայի մի շարք անդամներ բողոքի ակցիա են իրականացրել՝ պահանջելով, որ ղեկավար կազմում լինեն ոչ թե ԵԿՄ-ականներ, այլ սպորտի ոլորտի ներկայացուցիչներ: ԵԿՄ շենքից բողոքի ակցիայի մասնակիցները հասել են Կառավորության շենքի մոտ, որտեղ նրանց հետ է հանդիպել սպորտի և երիտասարդության հարցերի նախարարի պարտականությունները կատարող Գաբրիել Ղազարյանը։ Նա բողոքող կողմին հավաստիացրել է, որ ամեն ինչ կլուծվի օրինական ճանապարհով։ «Անցած տարվա վերջից փորձել ենք օրինական կարգով լուծել այս խնդիրները, որովհետև ֆեդերացիայի նախագահության ժամկետն ավարտվել էր։ Մենք հավաքել ենք բոլոր կողմերը և հորդորել՝ անցկացնել ընտրություններ։ Հայաստանի թաեքվոնդոյի ֆեդերացիան հասարակական կազմակերպություն է, այդ պատճառով չենք կարող պետական միջամտություն ունենալ։ Մեզ համար ամենակարևորն արդար ընտրություններ անցկացնելն է։ Բայց եթե այսօր կայացել են ընտրություններ, ապա դրանք որակում եմ ծածուկ ընտրություններ՝ օրինականությունից դուրս։ Այստեղ մարզիչ-մանկավարժներ են հավաքված, ովքեր պարտավոր էին իմանալ։ Բացի այդ, նախարարությունից ներկայացուցիչներ պետք է լինեին։ Հայտարարում եմ՝ եթե այսօր անց են կացվել ծածուկ ընտրություններ, դրանք համարում եմ անօրինական։ Որպես պետական օղակ պարտավոր եմ միջամտել այս հարցին։ Ես կդիմեմ արդարադատության նախարարին և միասին կլուծենք օրինականության հարցը»,- նշել է նախարարը։ |
Գագիկ Նավոյանը՝ Հայաստանի մինչև 16 տարեկանների չեմպիոն
12021.04.2024, 16:06Աշխարհի գավաթ․ մարմնամարզիկ Արթուր Դավթյանը՝ 2024 թվականի բացարձակ հաղթող
15920.04.2024, 20:54Բռնցքամարտի Հայաստանի չեմպիոնը Սերբիայում հաղթել է Եվրոպայի չեմպիոնին
16920.04.2024, 17:48Վահագն Դավթյանը Փարիզի 2024թ. Օլիմպիական խաղերի ուղեգիր նվաճեց (լուսանկար)
13619.04.2024, 22:48Շախմատի Եվրոպայի կանանց անհատական առաջնությունում Հայաստանն ունի 4 ներկայացուցիչ
13519.04.2024, 11:00«Մարզադաշտի հանդերձարանում «Բաքսի» է տեղադրվել, սակայն այնտեղ էլեկտրական հոսանք, բնական գազ չկա». Ոսկան Սարգսյան
69717.04.2024, 05:24