Ֆրանգուլյանը՝ Կիևի մրցաշարի արծաթե մեդալակիր

Կիևում կայացած ուկրաինացի հանրահայտ ըմբիշներին և մարզիչներին նվիրված 23-րդ հուշամրցաշարին Հայաստանը ներկայացնող 65 կգ քաշային ազատ ոճի ըմբիշ Վալոդյա Ֆրանգուլյանը դարձավ արծաթե մեդալակիր: Եզրափակչում Ֆրանգուլյանը 0:11 հաշվով պարտվեց Ուկրաինան ներկայացնող Գոռ Օգաննեսյանի հետ:

Ազատ ոճի ըմբշամարտի Հայաստանի հավաքականի կազմում Ուկրաինայի մայրաքաղաք էին մեկնել նաև Վաղինակ Մաթևոսյանը (57 կգ), Վարուժան Կաջոյանը (74 կգ), Հովհաննես Մխիթարյանը (86 կգ), Սարգիս Հովսեփյանը (97 կգ), Արման Մկրտչյանը (97 կգ) և Անդրանիկ Գալստյանը (125 կգ), որոնք պարտություն են կրել:

125 կգ քաշային կարգում Անդրանիկ Գալստյանը որակավորման փուլում 0:11 հաշվով պարտվեց լեհ Ռոբերտ Բարանին, ով նվաճեց եզրափակչի ուղեգիր: Մայիսի 12-ին Անդրանիկ Գալստյանը կպայքարի բրոնզե մեդալի համար: