Ցուցարարները դրամապանակներ նետեցին կառավարության դիմաց. բողոքի ակցիա
![]() ՀՅԴ Երիտասարդական միության «Ահազանգ» նախաձեռնության անդամներն այսօր դրամապանակներով բողոքի ակցիայի են իրականացրել ՀՀ կառավարության շենքի դիմաց՝ պահանջելով ԱԺ-ից հետ կանչել Հարկային օրենսգրքի փաթեթը: «Այս փաթեթը տանում է հասարակության ավելի բևեռացվածության՝ հարուստին հարստացնելու, իսկ աղքատին՝ ավելի աղքատացնելու: Պահանջում ենք, որպեսզի Կառավարությունը չեղարկի եկամտահարկի համահարթեցման սկզբունքը»,- ասում էին ակցիայի մասնակիցները: Նրանք նշում էին, որ իրենց համար անհասկանալի է համահարթեցման անցնելու պատճառները, հատկապես այն դեպքում, երբ «բոլոր այն պետությունները, որոնք համահարթեցման սկզբունքի են անցել, փոշմանել են»: Բողոքի ակցիայի ժամանակ միջադեպ տեղի ունեցավ ակցիայի մասնակիցների և ոստիկանների միջև: Ցուցարարաները, երբ դատարկ դրամապանակներ էին նետում կառավարության մուտքի դիմաց, նրանցից մի քանիսը դիպչեցին ոստիկաններին, ինչն առաջացրեց վերջինների զայրույթը: Ակցիայի մասնակիցները ներողություն խնդրեցին և ծափահարեցին ծառայություն իրականացնող ոստիկաններին: Ցուցարարներին, ի վերջո, մոտեցավ կառավարության աշխատակիցը և խոստացավ վարչապետին փոխանցել նրանց նամակը: Հիշեցնենք, որ Հարկային օրենսգրքի փոփոխությամբ նախատեսված է իրականացնել եկամտային հարկի փոփոխություններ, ինչը նշանակում է՝ անցում կատարել եկամտային հարկի համահարթ տոկոսադրույքի՝ 23 տոկոսի: Այս փոփոխությամբ, եկամտային հարկի նվազում է նախատեսված, սակայն այդ այն գրեթե չի ազդելու մինչև 150 հազար դրամ աշխատավարձ ստացողների վրա: |

Օդեսայում՝ Mercedes-Benz-ի ավտովաճառքի սրահում հրդեհ է բռնկվել
266Երեկ, 19:19
Խաղողագործներին փող չեն տալիս․ «Հրապարակ»
18214.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
44113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
16612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43010.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
43309.11.2026, 18:19
