Երևան`   +9 °C
Այսօր`   Կիրակի, 22 նոյեմբերի, 2026 թ.

«Լրատվական կայքերում գովազդը պետք է չզբաղեցնի կայքէջի 20%-ից ավելին». Հրաչյա Հակոբյանն առաջարկում է «Գովազդի մասին» օրենքում լրացումներ կատարել

1200
Երեքշաբթի, 07 մայիսի, 2019 թ., 11:45
«Լրատվական կայքերում գովազդը պետք է չզբաղեցնի կայքէջի 20%-ից ավելին». Հրաչյա Հակոբյանն առաջարկում է «Գովազդի մասին» օրենքում լրացումներ կատարել

Ազգային ժողովում քննարկվում է «Իմ քայլը» խմբակցության պատգամավոր Հրաչյա Հակոբյանի ներկայացրած «Գովազդի մասին» Հայաստանի Հանրապետության օրենքում լրացում կատարելու մասին» նախագիծը, որով առաջարկվում է կարգավորել տոտալիզատորների և ինտերնետ շահումով խաղերի գովազդները, մանրամասն քննարկվել է թե՛ նախորդ, թե՛ այս գումարման ԱԺ-ում։

«Հեռուստաեթերով վիճակախաղի յուրաքանչյուր կազմակերպչի գովազդը թույլատրվում է ժամը 22:00-ից մինչև 07:00-ն ընկած ժամանակահատվածում և 3 րոպեից ավել չի կարող լինել։ Այն նաև մեկ ժամում չպետք է ցուցադրվի երկու անգամից ավելի, ինչպես նաև չպետք է լինի ավելի, քան 60 վայրկյանը։ Ռադիոյով այս գովազդները պետք է հեռարձակվեն ժամը 08:00-ից մինչև 20:00-ն ընկած ժամանակահատվածում, այլապես անիմաստ է լինում այլ ժամի թույլատրել»,- ասաց հիմնական զեկուցող Հ. Հակոբյանը։

Պատգամավորը նշեց, որ լրատվական կայքերում գովազդը պետք է չզբաղեցնի կայքէջի 20%-ից ավելին: «Եղել են առաջարկներ գործընկերների կողմից: Օրինակ, «Լուսավոր Հայաստանն» առաջարկել է, որպեսզի այնտեղ, որտեղ տեղադրվելու է գովազդ՝ լինի հետևյալ բովանդակության նախազգուշացում. խաղին մասնակցելը նյութական վնասներ է պարունակում, կամ նախազգուշացում՝ խաղին մասնակցելու արդյունքում, դուք կարող եք կրել նյութական վնասներ»: