«Կարևոր էր ապացուցել՝ Պուտինի օրոք կարողացան ինքնաթիռ սարքել». Նավալնին բացահայտում է ճշմարտությունը սուպերջեթերի մասին
![]() Ռուս ընդդիմադիր գործիչ Ալեքսեյ Նավալնին ինսթագրամյան իր էջում գրում է. ««Շերեմետևո» օդանավակայանում սարսափելի ողբերգություն է տեղի ունեցել: 41 մարդ է զոհվել, իմ անկեղծ ցավակցություններն եմ հայտնում հարազատներին ու մտերիմներին: Ողբերգության մանրամասների մեջ պետք է խորանա պետական հանձնաժողովը, և հույս ունեմ, որ նրա աշխատանքն ու արդյունքները բաց կլինեն: Սակայն արդեն հիմա պարզ է, որ տեղի ունեցածում ուղևորներին մեղադրելը, թե ճամպրուկներն են վերցրել, խուճապի են մատնվել, անբարոյական է: Դուք տեսե՞լ եք սրահի կադրերը: Ո՞վ կարող է այդ պարագայում սառնասիրտ գտնվել, երբ իլյումինատորով տեսնում ես մոլեգնող բոցը: Կարծում եմ, որ հիմա տեղին է մի քանի խոսք ասել Sukhoi Superjet 100-ի մասին: Հրապարակեմ միայն այն, ինչ գիտեմ որպես մի մարդ, ով մեկ տարի եղել է «Աէրոֆլոտ»-ի տնօրենների խորհրդի անդամ: 1. Սուպերջեթերը «Աէրոֆլոտի» գլխին փաթաթել է պետությունը: Ընկերությունը երբեք էլ չէր գնի դրանք՝ շուկայի պայմանների և իրական մրցակցության պայմաններում: 2. Սա շատ թերի մշակված ու «հում» ինքնաթիռ է: Իշխանությունների համար կարևոր էր ապացուցել՝ այ տեսեք, Պուտինի օրոք կարողացանք ինքնաթիռ սարքել: Նախագծի վրա հսկայական գումարներ են ներդրվել, որոնց նշանակալից մասը հափշտակվել է: 3. Սուպերջեթերը անդադար փչանում են, չկան պահեստամասեր: Նրանք «Աէրոֆլոտ»-ին միայն վնաս են տալիս: 4. Սուպերջեթերի անսարքությունների մասին վիճակագրությունը թաքցվում էր հանրությունից: Անգամ տնօրենների խորհրդի անդամները դրանց մասին թղթիկներ էին ստանում խորհրդակցությունների ժամանակ, հետո դրանք միանգամից հավաքում էին: Դե պարզ է, ոչ ոք չէր ասում, որ դրա պատճառները քաղաքական են, բայց մի բան ակներև էր՝ վիճակագրությունը գաղտնի էր պահվում վարկանիշային պատկերացումներից ելնելով: Նոր ռուսական պուտինյան ինքնաթիռը չէր կարող վատը լինել: Հստակեցնեմ, որ ոչ մի առանձնակի լուրջ խափանում կամ միջադեպ գաղտնի չի պահվել, լուրջ պատահարները չէին թաքցնում: Կոմերցիոն գաղտնիք և վերջ: Բացենք վիճակագրությունը՝ սուպերջեթերը կսկսեն վատ վաճառվել: Բայց ինչպես տեսնում ենք, այս մարտավարությունը չաշխատեց: Միևնույն է, բոլոր արտասահմանցիները սուպերջեթերից հրաժարվեցին: Բայց եթե բոլոր թերությունները բացահայտ ասվեին, մենք նախկինում էլ կիմանայինք՝ սուպերջեթերը անավարտ ինքնաթիռներ են, որոնք չեն կարող հանձնվել լիարժեք կոմերցիոն շահագործման: Բայց դե, հասկանում եք, նման խոսակցությունը միանգամից կծներ տրամաբանական հարցեր. -Բա ի՞նչ էր այն ժամանակ Պուտինն այտերն ուռեցնում, եթե նրա իշխանավարման 20 տարիների ընթացքում մենք մի ինքնաթիռ անգամ ի վիճակի չենք ստեղծելու, -Ո՞վ է տակով արել այդ հսկայական գումարները, որոնք տամադրվել էին սուպերջեթերի մշակման, արտադրության ու շահագործման ապահովման համար: Հարցեր, որոնք մեր կառավարությունը լսել չի ուզում: Ես կարծում եմ, որ հիմա սուպերջեթերի բոլոր թռիչքները պետք է կասեցվեն, մինչև պետական հանձնաժողովի աշխատանքների ավարտը, որը կասի վթարի պատճառը: Գուցե խնդիրն ինքնաթիռի մեջ է, գուցե՝ մարդկային գործոնի: Բայց մենք չենք կարող ասել մարդկանց՝ զբաղեցրեք ձեր տեղերը սուպերջեթերում, երբ նրանք 5 րոպե առաջ տեսել են բոցավառվող ինքնաթիռի կադրերը և կարդացել են բաքը ծակած շասիների մասին: Բայց եթե, այնուամենայնիվ, իշխանությունը համառի և ստիպի (հենց ստիպի, որովհետև շատ չվերթներ ուրիշ տարբերակներ ուղղակի չունեն) մարդկանց թռչել սուպերջեթերով, այդ ժամանակ Պուտինը պետք է կանգնի ու ասի. ««Սուպերջեթն» իմ զավակն է, իմ իշխանության ձեռբերումը, ես հավատում եմ նրան, ուստի ես և Մեդվեդևը այս օրվանից թռչում ենք միայն սուպերջեթերով»»: |

«Նիկոլական Հայաստանում երեխան կարդում է Սասունցի Դավթի մասին, բայց նրան չեն ասում, թե ինչ է Սասունը, որտեղ է այն գտնվում». Արմեն Հովասափյան
8214:06
Հրապարակվել են նոյեմբերի 29-ին կայանալիք տեղական ինքնակառավարման մարմինների ընտրությունների վերջնական ցուցակները
9313:54
Գեղարքունիքի և Լոռու մարզերում ուժեղ քամու հետևանքով ծառեր են տապալվել, տանիքներ են վնասվել
6613:42
«2020 թվականի նոյեմբերի 9-ի եռակողմ հայտարարությունը պետք է գործի՛». Նժդեհ Իսկանդարյան
10213:06
Ուկրաինայի զինված ուժերը զանգվածային հարձակում են իրականացրել ԴԺՀ-ի էներգետիկ օբյեկտների վրա
17312:25
«Հնարավոր է՝ ականատես ենք լինում միջազգային հարաբերությունների նոր մոդելի ձևավորմանը». Վահան Բաբայան
11012:00
