Facebook-ը հիմնավորապես կփոխվի. ինչ է սպասվում օգտատերերին
![]() Ապրիլի 30-ին ծրագրավորողների F8 գիտաժողովի շրջանակներում Facebook-ի հիմնադիր Մարք Ցուկերբերգը հայտարարեց, որ առաջիկայում սոցցանցի դիզայնը հիմնավորապես կփոխվի: Նման փոփոխություն չի եղել սոցկայքի ստեղծման օրվանից ի վեր: Փոփոխությունները տեսանելի կլինեն ինչպես համակարգչային, այնպես էլ բջջային տարբերակներով: Թարմացված Facebook-ում շեշտը կդրվի խմբերի, իրադարձությունների ու ծանոթությունների նոր ծառայությունների վրա: Թարմացված տարբերակը հասանելի կլինի առաջիկա շաբաթների ընթացքում: Ամենատեսանելի փոփոխությունները կլինեն կոսմետիկ: Ֆիրմային F տառը, որ նախկինում տեղակայված էր ծայրերը կլորացված քառակուսու մեջ, այժմ կլինի կապույտ շրջանակի մեջ: Գունային լուծումները ևս կփոխվեն, սպիտակը կգերակշռի կապույտին: Կտեղափոխվեն ներդիրները, մասնավորապես՝ «Իրադարձութուններ» և «Համայնքներ» ներդիրները: Սոցկայքից օգտվելիս շեշտը դրվելու է ոչ թե նորությունների ժապավենի, այլ միմյանց հետ շփման վրա: Օգտատերը պետք է կարողանա իր համար հեշտորեն զբաղմունք գտնել մոտակայքում: Այս նպատակով հատուկ ներդիրում քարտեզի վրա կպատկերվեն օգտատիրոջ գտնվելու վայրին մոտ սպասվող բոլոր իրադարձությունները: Նոր գործառույթներից Ցուկերբեգն առանձնացրել է Meet New Friends գործառույթը, որը կօգնի գտնել այն մարդկանց, ում հետ կան որոշակի ընդհանրություններ՝ ընդհանուր ուսման, աշխատանքի վայրեր, հետաքրքրություններ, խմբեր: Հետաքրքրական նորարարություն կլինի Secret Crush-ը («գաղտնի սիրահարվածություն»): Սա հնարավորություն կտա մի ցուցակում համատեղել նրանց, ում հանդեպ օգտատերը ռոմանտիկ զգացմունքներ է տածում: Եթե ցուցակում ներառված մարդկանցից մեկը ևս այդ օգտատիրոջը ներառի նույն ցուցակում, երկուսն էլ կստանան համապատասխան ծանուցում: Կփոփոխվի նաև «Սուրհանդակ»-ը: Այնտեղ ևս շեշտը կդրվի մտերիմների հետ շփման վրա, ընդհանուր նամակագրություններում հնարավոր կլինի կիսվել կարգավիճակներով, լուսանկարներով և այլն: Հարկ է նշել, որ վերոնշյալ գագաթնաժողովից մեկ ամիս առաջ Facebook-ը լքել է նորությունների ժապավենի գլխավոր մշակողներից մեկը՝ Քրիս Քոքսը: Սա նշանակում է, որ News Feed-ի (լրահոսի) դարաշրջանն ավարտված է: Այն այժմ կվերածվի օժանդակ գործառույթի: Հավելենք, որ առաջիկայում փոփոխությունների կենթարկվի նաև Instagram-ը: |

Շրջանների զգալի մասում սպասվում են տեղումներ, քամու ուժգնացում (լուսանկար)
7308:18
«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան
159Երեկ, 21:48
«Եթե Փաշինյանը վստահ է իր ուժերի վրա, թող ազատ արձակի քաղբանտարկյալներին, և գնանք արտահերթ ընտրությունների». Անդրանիկ Թևանյան
157Երեկ, 21:24
Սաուդյան Արաբիան ավիահարվածներ է հասցրել Եմենի Հոդեյդա նավահանգստին (տեսանյութ)
227Երեկ, 20:55
«Ոչ մի վկա Սամվել Կարապետյանի ոչ թե դեմ, այլ անգամ նրա վերաբերյալ ցուցմունք չի տվել». Ռուբեն Հակոբյան (տեսանյութ)
152Երեկ, 20:48
Քալիֆոռնիայի գլխավոր դատախազը հետաքննություն է սկսել Nvidia ընկերության նկատմամբ
326Երեկ, 19:24





