Կեմերովոյում գեյերին չսպասարկած հացաբուլկեղենի խանութը փակվել է
Կեմերովոյում հացաբուլկեղենի խանութը, որը հրաժարվել է սպասարկել գեյերին, ժամանակավորապես դադարեցրել է իր գործունեությունը, գրում է РИА Новости-ն: Այս մասին Instagram-ում հայտնել է խանութի սեփականատերը: Ավելի վաղ ռուսական ԶԼՄ-ները նկատել էին, որ Կեմերվոյում «Ռուսական վառարանից հաց Իպատով եղբայրներից» խանութը ցուցանակ էր փակցրել, որտեղ անպարկեշտ բառապաշարով հաղորդել էին, որ ոչ ավանդական սեռական կողմնորոշում ունեցող մարդկանց չեն սպասարկելու: Դրանից հետո Կեմերովոյի Դաշնային հակամենաշնորհային ծառայության գրասենյակը նախազգուշացրել էր, որ պատրաստվում է հացաթխման գործընթացում թույլ տված բազմաթիվ խախտումների վերաբերյալ նկատողություն տալ հացաբուլկեղենի խանութին: «Կեղծ մեղադրանքների պատճառով մենք ստիպված ենք ժամանակավորապես փակել մեր խանութը՝ մինչև որ բոլոր իրավական հարցերը կարգավորվեն»,- գրել է Անտոն Իպատովը: Իպատովը խոստացել է հացն առաքել հաճախորդներին հենց իրենց տանը: «Ուզում ենք ավելացնել, որ խանութը փակվել է ոչ թե մեր արտադրանքի որակի, այլ ուրիշ պատճառների համար»,- ընդգծել է հացաբուլկեղենի խանութի սեփականատերը: |
«Հաջորդը Սյունիքն է, հետո Արարատն ու Վայոց ձորը»․ Սոֆյա Հովսեփյան
3500:36Իրավիճակը՝ Բաղանիս-Նոյեմբերյան ճանապարհին (տեսանյութ)
6500:00«Հիմա էլ լռե՞նք»․ Թագուհի Թովմասյան
65Երեկ, 23:48Քաղաքացիները հավաքվում են Ազատության հրապարակում (տեսանյութ)
74Երեկ, 23:30«Ոսկեպարի բնակիչները հայտարարել են, որ Փաշինյանն իրենց այլ բան էր խոստացել»․ Ոսկան Սարգսյան
69Երեկ, 23:18Բաղանիս և Ոսկեպար համայնքների բնակիչներն այս պահին ակցիա են իրականացնում
74Երեկ, 22:30