Երևան`   +7 °C
Այսօր`   Հինգշաբթի, 28 մարտի, 2024 թ.

«Առհասարակ, իրեն էլ կոչ կանեմ՝ այս թեմայով չխոսի». Սանասարյանը՝ Վանեցյանին

707
Երեքշաբթի, 30 ապրիլի, 2019 թ., 13:50
«Առհասարակ, իրեն էլ կոչ կանեմ՝ այս թեմայով չխոսի». Սանասարյանը՝ Վանեցյանին

«Մեդիա կենտրոն»-ում հրավիրված ասուլիսի ժամանակ լրագրողները Դավիթ Սանասարյանից հետաքրքրվեցին, թե որևէ խնդիր ունի՞ ԱԱԾ տնօրեն Արթուր Վանեցյանի հետ:

«Իմ ու պարոն Վանեցյանի հարաբերությունները որևիցե ձևով պետք է կապ չունենան գործի հետ ու առհասարակ, իրեն էլ կոչ կանեմ՝ էս թեմայով չխոսի: Մենք ունեցել ենք աշխատանքային հարաբերություններ ու որևիցե խնդիր չի եղել»,- հայտարարեց Սանասարյանը: «Պարոն Վանեցյանի խոսքի այն հատվածը, թե գործը կգնա դատարան, կտեսնենք, չի կարելի նման բան ասել. կարող է գործը չի՞ գնում դատարան»,- հավելեց ՊՎԾ պետը, որի լիազորություններն այս պահին դադարեցված են:

Հիշեցնենք՝ օրեր առաջ ԱԱԾ տնօրենը հայտարարել էր. «Չխախտելով պարոն Սանասարյանի անմեղության կանխավարկածը՝ հորդորում եմ բոլորին մի քիչ համբերել, երբ գործն ուղարկվի դատարան»: