Բեկում համաշխարհային առողջապահության մեջ. Իսրայելում կենդանի սիրտ են տպել
![]() Թել Ավիվի համալսարանի գիտնականները բեկում են մտցրել համաշխարհային առողջապահության մեջ: Նրանք կարողացել են 3D տպիչով տպել աշխարհում առաջին կենդանի սիրտը: Հայտնագործությունը հեղափոխական նշանակություն ունի և բացում է ապագայի դռները, որտեղ այլևս կարիք չի լինի դեղամիջոցների, դոնորական օրգանների, չի լինի փոխպատվաստումից հետո դրանց հավանական մերժման վտանգ օրգանիզմի կողմից: Ըստ իսրայելցի գիտնականների՝ արդեն առաջիկա տասնամյակում նոր տեխնոլոգիայով հնարավոր կլինի անհատական պատվերով ստանալ օրգաններ՝ պացիենտից վերցված հյուսվածքների նմուշներից: Լրիվ չափով և կենսահամատեղված սիրտ ստանալը մինչ օրս գիտնականների առջև դրված բարդագույն խնդիրներից մեկն է եղել: Եվ ոչ միայն այն պատճառով, որ ինքնին սիրտը հանդիսանում է շատ բարդ կառուցվածքով օրգան, այլև այն պատճառով, որ շատ դժվար է տրամադրության տակ ունենալ անհրաժեշտ քանակության սրտի բջիջներ: Փորձարկման համար օգտագործվել է պացիենտից վերցված ֆիբրիլյար սպիտակուց, որը հիմքն է հանդիսանում շարակցական հյուսվածքի՝ կոլլագենի: Այն գենետիկ ինժեներիայի պրոցեսում վերածել են ցողունային բջիջների, որոնք էլ հետո ձևափոխել են սրտամկանի և արյունատար անոթների բջիջների: Տպագրումը իրականացվել է Համակարգչային շերտագրման և մագնիսառեզոնանսային շերտագրման արդունքում ստացված տվյալների հիման վրա: Արդյունքում ստեղծվել է սիրտ, որը բաղկացած է շատ երիտասարդ բջիջներից, ինչպես նորածնինը, և որը կարողանում է կծկվել: Գիտափորձի հաջորդ փուլում եռաչափ տպիչով ստացված սիրտը պետք է պատվաստեն կենդանու օրգանիզմում: Սակայն մինչ այդ գիտնականները մտադիր են հետևել սրտի աճին հատուկ միջավայրում, ինչպես նաև ստուգել, թե որքան արդյունավետ են գործում ու փոխազդում բջիջները: «Արդեն այսօր կարելի է վստահաբար ասել, որ մեթոդը թույլ է տալիս ցանկացած չափի սիրտ տպել: Քանի որ այն պատրաստված է պացիենտի օրգանիզմից վերցված նյութից, ապա օրգանիզմի կողմից մերժում պետք է որ չլինի: Ավելին, փաստացի հնարավոր է ստանալ ցանկացած չափերի ու տեսակի օրգաններ, որոնք անհրաժեշտ են փոխպատվատսման համար»,- ասել է պրոֆեսոր Դվիրը: |

Starship-ն առաջին անգամ վերադարձել է մեկնարկային հարթակ՝ բռնվելով մեխանիկական «ձեռքեր»-մանիպուլյատորներով (լուսանկար, տեսանյութ)
88616.11.2026, 01:19
Հնագետներն Իսպանիայում հին հռոմեական արդյունաբերական մասշտաբի գինեգործության հետքեր են հայտնաբերել
42915.11.2026, 17:01
Հնագետները 5000 տարվա ութ հաց են հայտնաբերել, որոնք հրաշքով փրկվել են հրդեհից
49815.11.2026, 16:25
ԴՆԹ-ի վերլուծությունը բացահայտել է հին Իսպանիայում թաղված երկու մարդկանց միջև ազգակցական կապը
46208.11.2026, 18:49
Իսպանիայում հնագետները 19 հազար տարվա վաղեմության 280 ժայռապատկեր են հայտնաբերել
45108.11.2026, 17:01
Լիանա Խաչատրյանը դարձել է Միկրոէլեկտրոնիկայի 21-րդ միջազգային օլիմպիադայի հաղթողը
22606.11.2026, 00:36
