Երևանի փոխքաղաքապետը՝ ավտոբուսներում տեսախցիկներ տեղադրելու անհրաժեշտության մասին
![]() Ինչպես արդեն հայտնել էինք, «Երևանի ավտոբուս» ՓԲԸ-ի վարորդները գործադուլ էին իրականացնում՝ դժգոհելով քաղաքապետարանի ավտոբուսներում տեսախցիկներ տեղադրելու որոշումից: Երևանի քաղաքապետի առաջին տեղակալ Հրաչյա Սարգսյանը, մամուլի ասուլիսի ժամանակ անդրադարձել է այդ հարցին. «Տեսախցիկները տեղադրված են եղել երկու ավտոբուսում: Դրանք միայն վարորդի գլխավերևում կարող են լինել, իսկ ուղևորների միայն ուսը կամ ոտքը կարող է երևալ կադրում: Երբ մենք պլանավորենք, որ տեսախցիկ պետք է լինի ավտոբուսի ներսում, ապա, իհարկե, պետք է լինեն համապատասխան նշաններ, պետք է հայտարարությամբ հանդես գանք, որ բնակիչները նույնպես իմանան, որ տեսախցիկները նկարահանում են, ինչն ինքնանպատակ չի և արվում է իրենց անվտանգության համար: Անդրադառնալով գործադուլ իրականացնող վարորդների բողոքին և այն դժգոհություններին, որ առաջնային խնդիրները թողած քաղաքապետարանն սկսել է երկրորդական հարցերի լուծումից, քաղաքապետի տեղակալը նշեց. «Բողոքի մասին, որ խնդիրներ կան, տեղյակ ենք և այնպես չի, որ այդ խնդիրներն այս հինգ ամիսների ընթացքում են կուտակվել: Ես կարծում եմ, որ այդ հարցը, որը բարձրացնում եք, գտնվում է նույն հարթության վրա»: Քաղաքապետի առաջին տեղակալը նաև հավելեց, որ իրենք ցանկանում են վերահսկել վարորդների վարքագիծը և այդ մասով շեշտեց. «Այդ պատասխանատվությունը մենք ինքներս ենք ստանձնում, որպեսզի վերահսկողություն սահմանենք և կարող ենք վարորդին տուգանել, օրինակ, ղեկին ծխելու համար: Հասարակությունն այդքան տրանսպորտի վատ վիճակից չի բողոքում, որքան որ բողոքում է վարորդների կոպիտ խոսելուց, չսափրված լինելուց…»: |

«Պետական հիմարության պատճառով ուզում են ժողովրդին պատժել». Պեդրո Զարոկյան (տեսանյութ)
20819.11.2026, 20:12
«Աջափնյակի այս խցանումը զուտ ենթակառուցվածքի խնդիր է». Դանիել Իոաննիսյան (տեսանյութ)
18218.11.2026, 21:24
«Շատ տարբեր մարդիկ ոնց որ թե չեն պատկերացնում համակարգային խնդիրը»․ Տիգրան Ավինյան (տեսանյութ)
17016.11.2026, 10:36
«Անդադար լսում ենք հատկապես տղա երեխաներին չվճարելու պատրվակով ավտոբուսից իջեցնելու դեպքերի մասին». Էլիզա Առաքելյան
22211.11.2026, 23:30
«Էս էլ ճամփին պետք կգա». Նիկոլ Փաշինյանը բանանը խցկեց գրպանը (տեսանյութ)
22011.11.2026, 22:54
«Երևանի ավտոբուս» ՓԲԸ-ն պարզաբանում է ներկայացրել
19911.11.2026, 19:06
