Նոր միջանցքներ Հայաստանի համար. Ռուսաստանն ու Վրաստանն ավարտին են հասցրել քննարկումները. «Коммерсант»
![]() Մոսկվան և Թբիլիսին ավարտին են հասցրել 2011թ. ստորագրված «Ապրանքների առևտրի մաքսային վարչարարության և մոնիթորինգի մեխանիզմների մասին» համաձայնագրի իրականացման համար անհրաժեշտ գործընթացները: Այս մասին հայտնի է դարձել «Коммерсант» պարբերականին: Համաձայնագիրը թույլ է տալիս օգտագործել Աբխազիայի և Հարավային Օսիայի տարածքներն առևտրի և տարանցման համար: Համաձայնագիրը ստորագրվել էր 2011թ. նոյեմբերի 9-ին Ժնևում, դա փաստաթղթերի փաթեթի մի մասն էր, որը կնքվել էր Առևտրի համաշխարհային կազմակերպությանը Ռուսաստանի անդամակցության գործընթացների ժամանակ: Պարբերականը նշում է, որ Ռուսաստանն Առևտրի համաշխարհային կազմակերպության անդամ է դարձել 2012թ., սակայն Վրաստանի հետ համաձայնագիրը, որը ենթադրում է երկու երկրների միջև առևտրային 3 միջանցքի ձևավորում, որոնցից երկուսն անցնելու են Աբխազիայով և Հարավային Օսիայով, այդպես էլ չի աշխատել, Մոսկվայից և Թբիլիսիից 7 տարի է պահանջվել դրա իրականացման համար: Պարբերականի աղբյուրը վստահեցրել է, որ համաձայնագրի մեխանիզմների իրականացման համար խոչընդոտներ չկան: Վրաստանի վարչապետի՝ Ռուսաստանի հետ հարաբերությունների գծով հատուկ ներկայացուցիչ Զուրաբ Աբաշիձեն «Коммерсант»-ին վստահեցրել է, որ համաձայնագրի իրականացման նախապատրաստական աշխատանքներն ավարտվել են: Նրա խոսքով՝ վրացական կողմը հույս ունի սկսել փաստաթղթի իրականացումը: Պարբերականը նշում է, որ այդ հարցում շահագրգիռ է նաև Հայաստանը: «Հայաստանի համար Հարավային Օսիայով անցնող միջանցքն այլընտրանք կլինի Լարսի անցակետին, որը ձմռանը հաճախ փակվում է ձյան պատճառով»,- գրում է պարբերականը: Այն մասին, Երևանը կշահի ռուս-վրացական մեխանիզմի իրականացումից, պարբերականի հետ զրույցում ասել է նաև ՌԴ ԱԳ փոխնախարար Գրիգորի Կարասինը: «Հայաստանի խնդրանքն իսկապես կա»,- հայտնել է նա: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
