Երևան`   +19 °C
Այսօր`   Կիրակի, 16 հունիսի, 2019 թ.

ՄԻԵԴ-ը Լապշինի գործով Ադրբեջանի դեմ դատական գործընթաց է սկսել

885
Հինգշաբթի, 10 հունվարի, 2019 թ., 17:20
ՄԻԵԴ-ը Լապշինի գործով Ադրբեջանի դեմ դատական գործընթաց է սկսել

«Ստրասբուրգի Եվրոպական դատարանը որոշում է կայացրել, ըստ որի՝ Բաքվի բանտում գտնվելուս ժամանակ իմ նկատմամբ իրականացված մահափորձի, կտտանքների մասով ներկայացված ապացույցները բավարար են Ադրբեջանի դեմ գործ հարուցելու համար»,- ֆեյսբուքյան իր էջում գրել է Ալեքսանդր Լապշինը:

Նրա խոսքով՝ այդ մասին տեղեկություն է տարածել «Ամերիկայի ձայն»-ի ադրբեջանական ծառայությունը, ապա նորությունը հրապարակել են նաև որոշ ընդդիմադիր ԶԼՄ-ներ, և այժմ, բլոգերի խոսքով, Ադրբեջանի իշխանությունները չեն կարող ձևացնել, թե ոչինչ չի եղել:

«Տեսնենք՝ ինչ կծնեն մոտակա օրերին»,- հավելել է Լապշինը: Նա նաև հայտնել է, որ հաջորդ շաբաթ կայցելի Երևան:

Հիշեցնենք, որ Լապշինը 2016-ին Ադրբեջանի հարցման համաձայն ձերբակալվել էր Բելառուսում: Պաշտոնական Բաքուն բլոգերին «սև ցուցակի» մեջ էր ներառել՝ առանց իր թույլտվության Արցախ այցելելու պատճառով: 2017-ի փետրվարին Լապշինը հատուկ չվերթով, անվտանգության ծառայության աշխատակիցների ուղեկցությամբ Մինսկից Բաքու էր տեղափոխվել: Ծանր հանցագործությունները քննող Բաքվի դատարանը բլոգերին դատապարտել էր 3 տարվա ազատազրկման: 2017-ի սեպտեմբերին Ադրբեջանի նախագահը նրան ներում էր շնորհել: