«Շաթդաունը» շարունակվում է. ԱՄՆ Կոնգրեսը կրկին չի հաստատել բյուջեն

ԱՄՆ Կոնգրեսի երկու պալատները նիստ են հրավիրել, սակայն քայլեր չեն ձեռնարկել այսպես կոչված «շաթդաունին» (դաշնային կառավարության մասնակի դադարեցում) վերջ դնելու համար, գրում է WP-ը:

Օրենսդիր մարմնի երկու պալատները կրկին կհավաքվեն դեկտեմբերի 31-ին տեղական ժամանակովը ժամը 10:00-ին:

Ավելի վաղ Սպիտակ տան ներկայացուցիչը հայտարարել էր, որ դաշնային կառավարության աշխատանքի դադարեցումը կարող է երկարաձգվել մինչև հունվարի 3-ը:

Նշենք, որ ամերիկացի օրենսդիրները չեն կարողանում ընդունել 2019 ֆինանսական տարվա համար երկրի բյուջեն, պատճառներից մեկը Մեքսիկայի հետ սահմանին պատի կառուցման շուրջ դեմոկրատների և հանրապետականների միջև տարաձայնություններն են: