Երևան`   +8 °C
Այսօր`   Երեքշաբթի, 17 նոյեմբերի, 2026 թ.

«Բոլոր մրցակիցներն էլ ուժեղ են այնքան ժամանակ, քանի դեռ ռինգում քո ձեռքը չեն բարձրացրել». Արամ Ավագյան

329
Հինգշաբթի, 30 օգոստոսի, 2018 թ., 19:05
«Բոլոր մրցակիցներն էլ ուժեղ են այնքան ժամանակ, քանի դեռ ռինգում քո ձեռքը չեն բարձրացրել». Արամ Ավագյան

Հայ պրոֆեիսոնալ բռնցքամարտիկ Արամ Ավագյանը, մարզիչ Դավիթ Թորոսյանի գլխավորությամբ, շարունակում է նախապատրաստվել սեպտեմբերի 21-ին կայանալիք WBC International Silver գոտու պաշտպանության մենամարտին:

«Մարզավիճակս այս պահին կգնահատեմ 70%: Մարզումներն ընթանում են ըստ ծրագրի: Մարզումային մի քանի փուլ անցել եմ, իսկ հիմա հիմնական շեշտը դրված է մասնագիտական աշխատանքի վրա: Գիտեմ, թե ինչ պետք է անեմ ռինգում»,- նշել է Արամը՝ պրոմոութերական ընկերության մամուլի ծառայության հետ զրույցում:

Խոսելով մրցակցի՝ ռուս բռնցքամարտիկ Եվգենի Սմիրնովի մասին՝ Ավագյանը նշել է. «Բոլոր մրցակիցներն էլ ուժեղ են այնքան ժամանակ, քանի դեռ ռինգում քո ձեռքը չեն բարձրացրել: Սմիրնովը ունիվերսալ բռնցքամարտիկ է. տիրապետում է և՛ խաղակցական, և՛ հարձակվողական ոճերին: Չնայած երիտասարդ տարիքին, բավականին փորձառու է պրոֆեսիոնալ ռինգում: Անցկացրել է 14 մենամարտ, որոնցից 13-ում հաղթել է: Ունի 1 ոչ-ոքի: Պետք է ուշադիր մենամարտել, լինել սառնասիրտ, առանց որևէ ավելորդությունների և անել այն, ինչ կասի մարզիչը»։