Երևան`   +7 °C
Այսօր`   Երեքշաբթի, 17 նոյեմբերի, 2026 թ.

Հայ հրաձիգները մեկնել են Հարավային Կորեա՝ աշխարհի առաջնությանը մասնակցելու

514
Չորեքշաբթի, 29 օգոստոսի, 2018 թ., 11:50
Հայ հրաձիգները մեկնել են Հարավային Կորեա՝ աշխարհի առաջնությանը մասնակցելու

Հայ հրաձիգներն այսօր առավոտյան մեկնել են Հարավային Կորեայի Չանգվոն քաղաք՝ աշխարհի 52-րդ առաջնությանը մասնակցելու։ Հրաձգության բոլոր մրցաձևերից անցկացվող աշխարհի առաջնությունը տեղի է ունենում 4 տարին մեկ՝ օլիմպիական խաղերի միջակայքում: Այս մրցմանը հրացան և ատրճանակ ձևերից յուրաքանչյուրում կխաղարկվի 6 ուղեգիր, որոնք իրավունք կտան օլիմպիական խաղերին մասնակցելու: Մրցմանը կրակելու են 10 մ և 50 մ հեռավորություններից՝ հրացան, ատրճանակ և վազող թիրախ զենքաձևերից, որին մասնակցում է 1000-ից ավելի մարզիկ: Հայաստանը ստուգատեսին կներկայացնի 11 մարզիկ՝ հրացան զենքաձևից՝ Հրաչիկ Բաբայանը, Քրիստիան Լաուերը, Հայկ
Բաբայանը, Իրինա Լաուերը (Աղաջանյան), Ալլա Պողոսյանը, ատրճանակ զենքաձև՝ Նորայր Առաքելյանը, վազող
թիրախ զենքաձև՝ Հովհաննես Մարգարյանը, Լիլիթ Մկրտչյանը, Գոհար Վարդանյանը, Սաթենիկ Մեժլումյանը և Արուսյակ Գրիգորյանը: Մեր հավաքականն աշխարհի առաջնությանը կմասնակցի գլխավոր մարզիչ Սեյրան Նիկողոսյանի և ավագ մարզիչ Անդրանիկ Այվազյանի մարզչական ղեկավարությամբ: