Հայ շախմատիստուհիները մեկնարկեցին Եվրոպայի առաջնությունում
![]() Սլովակիայի Վիսոկե Տատրի քաղաքում երեկ մեկնարկեց Եվրոպայի կանանց անհատական առաջնությունը, որին մասնակցում են 30 երկրների 144 շախմատիստուհի, այդ թվում՝ 13 գրոսմայստեր, 29 միջազգային վարպետ, 35 կանանց գրոսմայստեր և 22 կանանց միջազգային վարպետ: Մրցաշարի առաջին դասակարգված շախմատիստուհին է կանանց աշխարհի նախկին չեմպիոն Մարիա Մուզիչուկը: Մրցաշարում Հայաստանը ներկայացնում են Էլինա Դանիելյանը, Լիլիթ Մկրտչյանը, Մարիա Կուրսովան, Աննա Սարգսյանը, Մարիա Գևորգյանը և Սիրանուշ Ղուկասյանը: Երեկ կայացած առաջին տուրի գլխավոր անակնկալը մատուցեց Հայաստանը ներկայացնող պատանի շախմատիստուհի Աննա Սարգսյանը: Մեր շախմատիստուհու մրցակիցն էր մրցաշարում 11-րդ դասակարգված հանրահայտ շախմատիստուհի Մոնիկա Սոչկոն: Սպիտակներով հանդես եկող Սարգսյանն արդեն 19-րդ քայլում ստացավ զգալի առավելություն, որը հաջողությամբ իրացրեց: Մեկնարկային տուրում հաճելի անակնկալներ մատուցեցին նաև Մարիա Կուրսովան և Սիրանուշ Ղուկասյանը, ովքեր ոչ-ոքիներ խաղացին իրենցից գործակցով զգալիորեն գերազանցող մրցակիցների հետ: Առաջին տուրի իրենց պարտիաները հաշտությամբ ավարտեցին նաև Հայաստանի կանանց հավաքականի առաջատարներ Էլինա Դանիելյանը և Լիլիթ Մկրտչյանը: Մեր ներկայացուցիչներից Մարիա Գևորգյանն անդրանիկ տուրում պարտություն կրեց: |

Նորվեգիան սահմանափակել է ռուս և բելառուս մարզիկների մուտքը
33100:43
Լատվիա-Հայաստան՝ 0:0. մեր հավաքականի դարպասապահը՝ լավագույն խաղացող
23515.11.2026, 21:12
Տիգրան Հարությունյանը հաղթել է թուրք մրցակցին ու դարձել քիքբոքսինգի Եվրոպայի չեմպիոն
20014.11.2026, 19:42
Հայկ Մարտիրոսյանը հաղթել է շախմատի աշխարհի հնգակի չեմպիոն Մագնուս Կարլսենին (տեսանյութ)
19614.11.2026, 00:30
Հայաստանն ու Կիպրոսը ոչ ոքի խաղացին
20212.11.2026, 23:24
Վահե Սուքիասյանը՝ շախմատի Եվրոպայի մինչև 18 տարեկանների կրկնակի չեմպիոն
17312.11.2026, 18:54
